Әби-бабайлар белән уртак тел табу, эшеңә җаваплы карау һәм сабырлык. Социаль хезмәткәрләр шушы сыйфатларга хас булырга тиеш. Пандемия әлеге һөнәр ияләре алдына тагын да зуррак сынаулар, бурычлар куйды, алар – волонтер буларак төрле акцияләрдә катнаштылар. Бүген сезне Мамадыш районынннан шундый геройларның берсе Венера Гайнетдинова белән таныштырабыз.
Нәсимә Ильина өчен Венера Гайнетдинова, социаль хезмәткәре генә түгел, ә якын дусты да. Бер-берсен ярты сүздән аңлыйлар. Кирәк булса кибетенә дә чыга, даруханәгә дә барып килә, йорт эшләрендә дә уң кулы.
Нәсимә Ильина, “Мамадыш совхозы” бистәсендә яшәүче
“Мамадыш совхозы” бистәсенең Мәктәп урамында Венера Гайнетдинованы белмәүчеләр сирәктер. Үзенә беркетелгән 8 өлкән кешегә генә түгел, аларның күрше-күләмнәренә дә ярдәм итәргә ашыга ул. Узган елның язында пандемия белән бәйле үзизоляция режимы кертелгәч, волонтер буларак күпләрне азык-төлек һәм башка кирәк-яраклар белән тәэмин итә.
Фәридә Иванова, “Мамадыш совхозы” бистәсендә яшәүче
“Өлкәннәр белән эшләвенең билгеле үзенчәлекле яклары бар , ләкин күңелле дә”, — ди социаль хезмәткәр. Иң мөһиме – әби-бабайлар белән уртак тел табу, эшеңә җаваплы карау һәм сабырлык.
Венера Гайнетдинова, социаль хезмәткәр
Венера Гайнетдинованың башка хезмәттәшләре дә аны үз эшенең фанаты, — диләр “Кайгырту” үзәгендә.
Лилия Нурмөхәммәтова, “Кайгырту” үзәгенең бүлек мөдире
Үзәкнең директоры Гөлнара Давыдова сүзләренчә, социаль хезмәткәрләр алдына COVID-19 тагын да зуррак сынаулар, бурычлар куйды.
Гөлнара Давыдова, “Кайгырту” үзәге директоры
Мамадыш районында 65 яшьтән өлкәнрәк һәм ялгыз яшәүче өлкән яшьтәге гражданнарга азык-төлек һәм дару чаралары илтү, коммуналь хезмәтләр өчен түләү, яки башка гозерләрне башкару өчен булдырылган “кайнар линия” хәзер дә эшли.
