Татарстанда һәр яңалыкны беренче булып гамәлгә кертү традициягә әйләнде. Саба аграр көллиятендә яшь һөнәр осталарының “Җитештерү сәнәгатендә робот техникасы”компетенциясе буенча “Инносаб” төбәкара чемпионаты узды. Сабадан безнең репортаж.
“Инносаб” чемпионаты Россия төбәкләре арасында беренче тапкыр үткәрелде. Ворлдскилсс хәрәкәтенең төп партнёры Япониянең Фанук компаниясе һәм Саба муниципаль районының әлеге чемпионатны уздыру турындагы тәкъдимен республика президенты да хуплады. Биредә робот техникасы белән кызыксынучы яшьләр көч сынашты.
“Һөнәри компетенцияләрне үстерү үзәге” генераль директоры Эмиль Гобәйдуллин: «Зур шәһәрләрдә генә түгел, ә кечкенә муниципаль районнарда да заманча цифрлы технологияләр турында кайгыртулары күркәм күренеш. Чөнки бу хәзерге икьтисад өчен мөһим, аның нигезе булып тора. Ә Россия төбәкләре арасында цифрлы үсештә Татарстан төбәкләре аерылып тора, биредә һәр яңалыкны беренчеләрдән булып кулланышка кертәләр.»
Рәис Миннеханов Саба муниципаль районы башлыгы
Ярышларда биш команда катнашты. Күрше Ульяновский өлкәсенең Димитровград шәһәреннән, ә Мәскәү өлкәсеннән ике команда килгән иде. Татарстан данын Чаллы һәм Саба командалары яклады.
Татарстан яңалыклары, Саба районы.