“Аларның туган җире-ат ияре”, дигәннәр татарлар турында.Милли гореф-гадәт¬ләре¬безне яңартырга йөз тоткан чорда әлеге малкайларга игътибар тагын да артты.Алдагы сюжетыбыз, Сатыш авылында атлар асраучы Әхмәдуллиннар гаиләсе хакында.
Урман-кырларга гашыйк,кече яшеннән үк мал-туар арасында мәш килгән Вахит абый бахбайлар өчен үлеп китә.” Ат гомер-гомергә кешенең гомер юлдашы, алар янында йөргәндә, бар борчуларың да онытыла,” ди ул.
Атлар якыннан яхшы күрә. Хәтта кешенең ым, ишарәсен тоя ала. Оныкларымның да атларга тартылып үсүе сөендерә,ди гаилә башлыгы.
Әхмәдуллиннар иртән кояш белән бергә кузгала. Кышка атлар өчен азык – телекне дә мул туплаганнар. Бар эшне дә Вахит абый тормыш иптәше Зөһрә белән бергәләп, күңелле итеп башкаралар.
Атларның елкылдап торган ялларын җилкетеп, уйнаклауларын карап тору җанга рәхәтлек, хозурлык бирә. Аларның купме эш башкара алуын да искә алсак, дәрәҗәләре тагын да арта. Бу малларның баш саны күбәя баруы сөенечле. “Саба” җәмгыятенең Сатыш бүлекчәсендә генә дә 300 гә якын ат бар икән.
Эльза Әхмәтҗанова, Диләрә Җаббарова, Айрат Шәрәфиев. Татарстан яңалыклары. Саба районы.
