Республикабызда үз гомерләре белән үрнәк булырлык гаиләләр бар. Саба районы Сатыш авылында гомер итүче ветеран укытучы Тәкмилә әби Садыйкова өчен октябрь ае бәйрәмнәргә бай. Быел ул 95 яшен тутырды. Тулырак Саба районыннан репортаж.
Тәкмилә әби бик матур итеп киенеп, сабыр гына кунаклар килгәнен көтә. Иң кадерлеләре балалары , онык оныкчыклары янәшәдә генә. Картлык көнендә ул бик бәхетле , барысының да хөрмәтен , кайгыртуын тоеп яши. Тәкмилә әби үзе Теләче районы Сауш авылы кызы. Хезмәт юлын 1945 елның 1 сентябрендә Югары Шытсу урта мәктәбендә башлангыч сыйныфлар укытучысы буларак башлап җибәрә. Аннары Арташ, соңрак Сатыш авылына укытучы итеп билгеләнә. Ветеран укытучыны иң гаҗәпләндергәне – ул вакыттагы балаларның тәрбияле булулары.
Тәкмилә әбине Сатыш авылында барысы да хөрмәт итә. Тормыш иптәше Ибраһим абый белән бик игелекле балалар тәрбияләп үстергәннәр. Аны олы юбилее белән котларга район, авыл җирлеге, мәктәп җитәкчелеге килделәр. Һәркем аны котлап ихлас теләкләрен җиткерде , истәлекле бүләкләр тапшырды. Тәкмилә әби һәрберсен тыңлап , рәхмәтләрен эйтте. Ул бүгенге тормышыннан чиксез канәгать.
6 балага, гомер бүләк итсә дә , өчесен бик яшьли җирләргә туры килә Тәкмилә апага. Бүген кызы Раилә , улы Ирек , килене Рузалия , онык, оныкчыклары аның төп яшәү көче. Төп йортта улы Ирек гаиләсе белән бәхетле гомер кичерә ул . Килене Рузалия апа белән алар икесе дә укытучылар. Төп йортта гомер буе бер берсе белән аңлашып гомер кичерә алар.
Кызы Раилә апа мин бу йортка шулкадәр сөенеп кайтам . Моннан алып киткән җылылык миңа әле бик озакка җитә ди.
Төп йорттагы улы Ирек , килене Рузалия , шулай ук укытучылык династиясен дәвам итүче оныгы Илнур өчен Тәкмилә әби иң кадерле кеше. Туганлык йомгагын нык тотучы акъәби дә ул.
Гөлшат Гәлиәкбәрова, Рәзил Нигьмәтов репортажы.
