Авыл хуҗалыгы сулышын, хуҗалыкларның көнкүрешен бәян итүче семинар киңәшмәләр дәвам итә. Аның чираттагысы Әнәк агрофирмасында узды. Эшлекле сөйләшүдә хуҗалык җитәкчеләре тармак белгечләре катнашты.
“Әнәк” агрофирмасының яңа төзекләндерелегән мал торакларында терлекләр өчен яңа уңайлы шартлар булдырылган. Яктылык системасы көйләнгән, саву заллары,сөт суыту җайланмалары заманча җиһазландырылган. Семинар киңәшмә хуҗалыктагы уңай үзгәрешләр белән таышудан башланды.
Хуҗалыкта бүгенге көндә 6500 мөгезле эре терлек исәпләнә. Терлекләрдән мул продукция алу өчен малларны сыйфатлы азык белән тукландыруны оештыра. Бүгенге көндә сенаж базлары да азык белән тулы.
Агрофирманың 30 мең гектар чәчүлек мәйданнары бар. шуның 4000 гектарында көзге чәчү эшләре башкарылган. Киләсе елда яңа төр культураларны сынап карарга исәпли хуҗалык.
Хәзерге вакытта хуҗалыкның техника паркының мастерскоенында кызу эш кайный. Агрофирма җитәкчесе Фаил Газетдинов белдергәнчә, хуҗалык бүген яңалыкка омтылып эшчәнлеген җәелдерә. Ә моның өчен аларның егәрлекләре дә эшче көчләре дә җитәрлек.
Альбина Солтванова, Ләлә Зәйнуллина, Марат Саррахов. Татарстан яңалыклары, Актаныш районы.
