Буа районының «Заря» агорфирмасы бүгенге көндә кышлык яшел запас туплау буенча алдынгылык тота. Биредә инде сенаж салуны башладылар. Эшнең барышын хәбәрчебез дә күзәтеп кайтты.
Менә ул терлек азыгы әзерләүдә иң кирәкле техника. Терлек азыгы җыючы комбайн һәм КамАЗ автомобиле. “Заря” агрофирмасында бу бүгенге көннәрдә гадәти күренеш.
“Заря” агрофирмасында терлек азыгы хәстәрләүгә 22 майда керештеләр. Сенаж салу белән параллель рәвештә силос әзерләү дә бара. Агрофирманың Иске Суыксу бүлекчәсендә бер чокырны тутыруга сигез көн китә. Ә яшел массаның сыйфатын саклауда биредә үз алымнарын кулланалар.
Район авыл хуҗалыгы һәм азык-төлек идарәсе хәбәр итүенчә, районда масштаблырак эшләүгә дә техника җитәрлек. Быел 100 мең тонна сенаж әзерләргә планлаштырыла.
Кыят, Ямбулат, Агронур тәмгыятьләрендә дә техника әзерлек сызыгында. Районда күп еллык үләннәрне өлгерү темпына бәйле рәвештә үз вакытында җыеп алу планлаштырыла.
Камилә Мусина, Илнур Кадыйров.
