Республикада язгы кыр эшләре дәвам итә .Бүгенге көндә игенчеләрнең төп бурычы — уҗым культураларын тукландыру. Язгы кы рэшләренә күпкенә район игенчеләре инде кереште. Әйтик, Зәй районда әлеге эш тулы күэттә бара. Теманы Зәйдәге хәбәрчебез Әдилә Борһанова дәвам итә.
Район башлыгы җитәкчелегендәге комиссия язгы кыр эшләренә чыгачак техникалар әзерлеген тикшерә. “Агрокөч” җәмгыяте вәкилләре, авыл хуҗалыгы белгечләре 8 машина- трактор базасында булды. Әзерлек сызыгына куелган техника паркын һәм тагылма агрегатларны караганнан соң, үз бәяләрен бирделәр.
31 марттан механизаторлар кырда дым каплату эшенә кереште. Бүгенге көндә район басуларында 50 техника эшли. Быел 70 меңгә якын гектарда чәчү эшләре башкарылачак. Көзге бодай 17,5 мең гектар мәйданны тәшкил итә. Шикәр чөгендере 9 мең гектар мәйданда чәчеләчәк. Кыр эшләренә төрле маркалы 300 трактор җәлеп ителгән. Шуның 55е зур куәтле тракторлар.
Очрашу барышында кыр эшләрен уңышлы башкаруда матди кызыксындыру чаралары, хезмәт хаклары турында аңлатылды.
Адилә Борһанова, Александр Тимофеев, Максим Майоров, Татарстан яңалыклары, Зәй районы.
