Район кырларында уракның иң кызган чагы: игенчеләр ашлык җыя. Ашлыкны югалтуларсыз җыеп алу өчен бар көчен биреп эшли алар. “Авангарад” агрофирмасында бүген 17мең га бөртекле культуралар чәчелгән.Барлык игеннәрнең 30% җыеп алынган. Комбайчылар арасында өлкәннәр белән бергә яшь механизаторлар да иңне-иңгә куеп эшлиләр.Тинчәле авылы егете Эльмир Сираев та әнә шундый яшь комбайнчыларның берсе. Яшь механизаторның кичерешләре хакында киләсе матуриалда.
Эльмир – комбайнчы-механизаторлар нәселеннән. Әтисе гомере буе колхозда.Тракторында да, комбайнчы булып эшләргә туры килә. Бүген дә әле алдынгы игенче. Кечкенәдән әтисе белән техника янында кайнашып үскән егетнең механизатор һөнәрен сайлавы һич гаҗәп түгел.
Мәктәпне тәмамлагач, Эльмир Сираев Буа ветринария техникумында белем ала. Биредә укыганда ук җәйге ял вакытында әтисе белән тимер корабта сап-сары кырларны иңли. Авыл һавасын сулап, җир сулышын тоеп үскән егет шәһәргә китү ягын уйламый да. “Авыл җирендә дә эшләгән кешегә эш җитәрлек,- ди ул.
Урып-җыю сезонын түземсезлек белән көтеп алган егет быел үзенә иптәшкә классташ егетен дә ала. Басу-кырларсыз яши алмыйм, аларны иңләүдән дә рәхәт нәрсә юк. Төшкә дә басу керә, – ди егет. Эльмир кебек студент яшьләр авыл –хуҗалыгы өлкәсендә бик теләп катнашалар. Буа ветениария техникумының студент отрядлары район терлекчелек һәм игенчелек өлкәләрендә эшлиләр.
Татарстанда яшь комбайнчылар арасында «Хезмәт кешесенә дан» республика телевизион конкурсы башланды. Конкурсны оештыручылар — Татарстан Республикасы Авыл хуҗалыгы һәм азык-төлек министрлыгы һәм «Татарстан» ДТРК. Акциянең төп бурычы – авылда яшьләр арасында эшче белгечлекләрен популярлаштыру.
Кайбыч бүлекчәсе кырларыннан Ранис Әхмәтшин, Илнур Кадыров, Татарстан яңалыклары.
