Республикабызның район хуҗалыкларында терлек азыгы хәзерләү тулы көчкә бара. Нурлат раойнының «Южная» агрофирмасында бүгенге көнгә 2800 тонна сенаж салынган. Тагын кырда нинди эшләр башкарылганы турында алдагы язмада.
Денис Филиппов бүген печән өстендә иртәнге алтыдан. Хәзер 165 гектарлы люцерна кырын иңли. Трактор руле артында ул 9 ел. Чәчүдә дә, җир сөрүдә дә катнаша. Соңгы ике елда алмашчысы белән бергә азык әзерләүдә.
30 градусэссе, җил, кояшлы көннәр – печән өстендә ярдәмчеләр, ди механизаторлар. Чапкычлардан соң эшкә үләннәрне әйләндерүче һәм теземнәргә салучы агрегатлар эшкә керешә. Аннан чират азык җыючы комбайнга. Эш иртәнге алтыдан кичке җидегә кадәр бара.
Азык әзерләү көйле бара, ләкин белгечләр әйтүенчә, май башындагы кыраулар һәм озак вакыт явым-төшемнең булмавы күпьеллык үләннәрнең үсешен тоткарлаган. Планлаштырылган күләмнәргә өметләнергә туры килми, шуңа да карамастан печәннәр яхшы, йомшак, аксымга бай. Бу — эшне вакытында башлау нәтиҗәсе.
Уҗымга чәчелгән тритикалены да чабып алганнар. Аны 320 гектарда үстергәннәр. Үләннәрне беренче тапкыр сабуны бер атна дигәндә тәмамларга планлаштыралар.
«Сөләйманов» Крестьян фермер хуҗалыгында сенаж салу тәмамланган инде. Монда аны 1200 тоннадан артык әзерләгәннәр. Район буенча бу күрсәткеч 4 мең тоннадан артык. Тагын 132 тонна печән әзер.
Гөлназ Хәсәншина, Илшат Мәхмүтов, Ләлә Зәйнуллина Татарстан яңалыклары, Нурлат районы.
