Рөстәм Миңнеханов һәм Татарстан авыл хуҗалыгы министры Мөслим районына сәфәр кылды. Мөслим районында язгы чәчү эшләре 3-4 көннән соң тәмамланыр дип көтелә. Республика Рәисе Минзәлә, Түбән Кама, Тукай районнарының эшен бәяләде. Тулырак алдагы язмада.
Түбән Кама районда чәчү эшләре ахырына якынлаша. Рөстәм Миңнеханов башкарылган эшкә бәя бирде. Рапс, кукуруз гына чәчәсе калды. Минзәләдә дә чәчү эшләре азагына якынлаша, аерым игътибар — терлекчелек юнәлешенә бирелгән. Шулай ук сөтчелек комплексын торгызу буенча да эш алып барыла.
Сыерларны чиста тотарга автоматик кросс-вентиляция системасы ярдәм итә — аны Мөслим фермаларында урнаштырганнар. 4 мең баштан артык сыер , 18 роботлаштырылган саву җайланмасы.
Тукай районы һәрьяклап та алдынгылар рәтендә. Узган ел 190 тоннага якын ашлык җыйганнар. Республика Рәисе ветераннар белән дә очрашты – биредә Бөек Ватан сугышында катнашкан 6 ветеран яши.
Динә Нәҗметдинова, Диана Дасаева, Татарстан яңалыклары.
