Республикада авыл хуҗалыгы ярминкәләре тәмамлануга ике атна вакыт калып бара. Исегезгә төшерәбез, алар 24 нче декабргә кадәр бара. һәр шимбә көнне Казан шәһәренең 14 мәйданчыгында, шулай ук Татарстанның 26 муниципаль районында даими рәвештә уза. Сәүдә мәйданчыкларында, социаль бәяләр куелган авыл хуҗалыгы продукциясе тәкъдим ителә. Әйтик, Нурлат раойнында да чираттагы авыл хуҗалыгы ярминкәсе узды. Нурлат районы халкы кайсы продуктларны үз итә? Хәбәрчебез белеште.
Арҗигөл Куралова — милләте буенча үзбәк, Якты Күл авылына килеп төпләнүенә 30 еллап. Ярминкәләрнең берсен дә калдырмый. Үз хуҗалыгында үстергән кош — кортны шунда сата. Ә сатар әйбере аз түгел.
Ит, сөт продукциясе, тозланма һәм кайнатмалар, яшелчә — ярминкәдә барысы да мулдан. Мамык авыл җирлеге товар киштәләре продукция ассортименты белән аерылып торды.
Тулаем ярминкәнең оештырылуын, товар ассортиментын, кече һәм урта бизнесны үстерер өчен булган мөмкинлекләрне район җитәкчелеге дә бәяләде.
Безнең ярминкәнең төп максаты — шәхси ярдәмче хуҗалыкларны үстерү, алар безнең районда яшәүчеләр өчен әлеге продукцияне үстерүгә һәм сатуга юнәлтелгән.
Ярминкәдә районның 13 авыл җирлеге товар җитештерүчеләре, шәхси эшмәкәрләр катнашты.
Алия Галиуллина, Гөлназ Хәсәншина, Илшат Мәхмүтов, Татарстан яңалыклары, Нурлат районы
