Татарстан агросәнәгать комплексында уңышлы эшләүче фермер ир-атлар белән беррәттән, хатын-кызлар да бар. Шуларның берсе Нурлат районыннан — Нәсимә Камалова. Ул үзенең фермерлык эшчәнлеген алты ел элек Нариман авылы кырларында башлаган. Җитештерүне ел саен арттыра барган. Тырыш фермер белән безнең иҗат төркеме дә очрашып кайтты.
Әле 10 ел элек кенә икътисадчы белемен үзләштергән шәһәр кешесенең крестьян-фермер хуҗалыгын җитәкләвен күз алдына китерүе дә кыен була. Хәзер аның 550 гектар чәчүлек җире бар, бөртекле культуралар: арыш һәм арпа үстерә. Быел бер гектардан 38 әр центнер ашлык җыеп алган. Җирдә эшләү ир-атларга да җиңел түгел. Көн-төн басуда эшләргә туры килә. Фермерның максаты табыш алу гына түгел, ә экологик яктан чиста продукция җитештерү
Һәр эштә гаиләсе булыша. Авырлыкларны җинәбез, — ди Нәсимә Камалова. Иң катлаулысы-бөртеклеләрне урып-җыю өчен комбайннарның җитмәве. Шуңа күрә арышны бераз соңга калып суктырганнар. Шулай да мул уңыш җыелган. Фермер басуларында тирә-як авылларда яшәүчеләр эшли.
Республика президенты программасы буенча ташламалы бәягәтехника сатып алынган. Планнар зур. Ашлык саклау өчен яңа склад төзергә исәбе.
Районда Нәсимә Камалова кебек фермер хатын-кызлар тагын бар әле. 12 гүзәл зат үзләренең крестьян-фермер хуҗалыгын җитәкли, җитештерүне елдан-ел арттыра баралар.
Дмитрий Второв, Зөлфия Галиуллина, Алмаз Әхмәтҗанов, Татарстан яңалыклары, Нурлат районы.
