Авыл хуҗалыгында терлек азыгы әзерләү кампаниясе дәвам итә. “Саба” җәмгыятенең Сатыш филиалында кыр эшләре гөрләп бара. Биредә бүгенге көндә соңгы гектарларда күпьеллыкларны сенажга салу бара. Бер үк вакытта көзгә җир әзерләүгә дә керешкәннәр. Хуҗалык икенче икмәк бәрәңге үстерү белән дә шөгыльләнә. Быелгы корылык шартларында сугару системаларын да эшкә җигәргә туры килә. Барсы хакында да тулырак безнең киләсе язмада.
Кыр кораблары, тимер атлар бер генә минут та туктап тормый. “Саба” җәмгыятенең Сатыш филиалында беренче укустан терлек азыгы эзерләү эшләре соңгы гектарларны куа. Бер комбайнга 6 Камаз машинасы өзеклексез басу — чокыр арасын урап тора. Гектар чыгышы елына күрә яхшы, — ди агроном Ризат Габдрахманов.
Чокырда да эш кайный дияргә кирәк. Аларның икесе ферма тирәли урнашкан. Берсе инде тулган, аны технологияләрне саклап каплап та куйганнар. Хуҗалык алдында 1950 баш мөгезле әре терлеккә азык әзерләү бурычы тора. Дөрес узган елгы запаслары да бар. Ел елга охшамый. Булганын югалтуларсыз җыеп алу төп максат- ди зоотехник Ленар Вәлиев. Ул биредәге эш барышын контрольдә тота.
Туклыклы азык әзерләү сыйфатлы продукция җитештерү белән кире кайтарыла торган хезмәт. Яхшы ашаган сыерлар да күп сөт белән кинәндерә. Сатышлылар бүгенге көндә 640 баш сыердан 13 тонна сөт савып алып дәүләткә озата. Хуҗалык күп еллардан бирле бәрәңге игү белән дә шөгыльләнә. Мамалай авылы янәшәсендәге амбар артларындагы бу җирләр сугаруга көйләнгән. Биредә күпьеллыклар мәйданы 90 гектарны били. Орлыгын чит илдән кайтарып чәчкәннәр. Инде менә икенче каты да куе булып күтәрелеп килә. Шулай су белән үстергәндә 3нче кат сенаж да өметтә. Каршы якта бәрәңге үсә.
Сугару туфракның уңдырышлылыгын күтәрү өчен алыштыргысыз гамәл. Аның өчен янәшә сулык булу мөхим. Бу очракта сатышлыларга янәшә аккан Мишә елгасы коткару чарасы. Узган ел бәрәңге уңышы гектарыннан 165 центнер чыккан. Быел да ким булмас, — дип өметләнәләр.
Хуҗалык көзге культураларны 600 гектарда чәчүне планлаштыра. Аның 150 гектары бодай, 450 се арыш булырга тиеш. Бүгенге көндә 300 гектар мәйданны дискатор белән эшкәртеп чыкканнар. Авыл хуҗалыгында һәр көн ашыктыра.
Райлә Галәвина, Ирек Солтанов, Татарстан яңалыклары, Саба районы.
