Кукмара районында гомер итүче тәҗрибәле умартачы — Рәфис Шәңгәрәев.
Татарстанда умартачылыкны үстерү буенча программа проекты әзерләнә. Программаның төп максаты – республика халкын сыйфатлы умартачылык продуктлары белән тәэмин итү. Умартачылык – кызыклы һәм мавыктыргыч, әмма бик нечкә һәм күп тырышлык сорый торган шөгыль. Киләсе видеоязмабыз да Кукмара районында гомер итүче, инде 40 елга якын умартачылык белән шөгелләнүче Рәфис Шәңгәрәев турында. Тәҗрибәле умартачы янында кукмарадашы хәбәрчебез Миләүшә Хаҗиева да булып кайтты.
Һөнәре буенча электрик, шул вакытта умартачы да. Рәфис Шәңгәрәев инде 40 елга якын бал кортлары арасында кайнаша. Аның сүзләренчә, бу эшкә умартачы белән очраклы очрашу нәтиҗәсендә тотынган.
Мондый катлаулы эшне башларга җирле администрация ярдәм иткән: умарталыкны урнаштыру өчен җир бүлеп биргәннәр. Агрономнар шулай ук бал кортларына бал җяырга чәчәк булсын өчен, фацелияне утыртырга булышканнар. Моннан тыш, Рәфис Шәңгәрәев үз участогы территориясендә донник һәм мордовник шароголовый үстергән.
Бүгенге көндә аның 70тән артык умартасы бар. Бу авыр һәм мәшәкатьле эш, ди умартачы. Чөнки кайвакыт әле умарталыкта, әле чәчәкле басуда көн озын эшләргә туры килә икән.
Бу җирлектә умарталык Рәфис Шәңгәрәевта гына түгел. Тагын шундый 2 хуҗалык бар. Шуларның берсе, аның абыйсыныкы. Ул да инде күп еллар бу эш белән шөгыльләнә.
Миләүшә Хаҗиева, Марат Сабирҗанов Кукмара Яңалыклары
