Актаныш районының Нур Баян ширкәте игенчеләре республикада беренче булып урып-җыюны тәмамлады. Һәр гектардан уртача 44 центнердан артык ашлык җыйнап алынды. Республикада уракта Зәй, Сарман, Буа, Тәтеш районнары игенчеләре алда бара. Тәтеш районының “Колос” агро фирмасыннан репортаж.
«Колос» агрофирмасы Тәтеш районының алдынгы хуҗалыкларыннан берсе. 3 мең өч йөз гектардан артык сөрүлек җирләр заманча техникада нәтиҗәле технологияләр буенча эшкәртелә. Быел да игеннәрдән мул уңыш үстерелгән. Кайбер басулардан бөртеклеләрнең гектарыннан 70 әр центнер ашлык җыелган. Сөтчелек фермасында бер мең 60 баш мал асрала. Биредә ел саен яңа техника сатып алына, сыер абзарлары төзекләндерелә. Малларны тукландыру автоматлаштырылган.
Саву залы бер үк вакытта 40 сыерны сыйдыра. Биредә дә автоматлар эшли, ә операторлар компьютердан күзәтеп тора.
Хәзер “Колос » хуҗалыгы агросәнәгать комплексын цифрлаштыруны гамәлгә кертү буенча сынау мәйданчыгы да. Терлек азыгы әзерләү һәм көтүлекләр белән идарә итү буенча программа урнаштырганнар. Хуҗалык директоры урынбасары Ранис Мәүлиханов авылга булышлык күрсәтү буенча президент программалары ярдәмендә сыер абзарларын яңартырга, терлек азыгы әзерләү траншеяларын төзергә һәм җитештерүне яңартырга мөмкин булды, дип саный.
Көтүлекләрне яңарту мөмкинлеге дә даими үсеш үрнәге. Күптән түгел Дания һәм Вологда өлкәсеннән таналар сатып алганнар, терлекләрне бәйләмичә асрыйлар. Бөртеклеләрне урып-җыю ахырына якынлаша. Хуҗалыкта да бер үк вакытта киләсе ел уңышы өчен орлык сала башлаганнар. Хуҗалыкның үсешендә заманча техника гына түгел, ә эш кешеләрен иң кыйммәтле хәзинә дип саныйлар.Авыл халкының киеренке тынгысыз хезмәтеннән башка, үсеш саннарына ирешә алмаслар иде. Республика авыл хуҗалыгы һәм азык-төлек министры Марат Җаббаров, район башлыгы Рәмис Сафиуллов «Башак» хуҗалыгы басуларында комбайнчылар белән аралаштылар, авыл хуҗалыгы предприятиеләре өчен аеруча актуаль мәсьәләләр турында фикер алыштылар. Предприятиенең иң яхшы механизаторларына кыйммәтле бүләкләр тапшырдылар.
Дмитрий Второв, Ренат Сәгыйбгәрәев, Рөстәм Муллагалиев , Татарстан яңалыклары.
