Соңгы елларда авылларда яңадан-яңа мәчетләр барлыкка килә, элеккеләре төзекләндерелә. Бу изге эшләрнең күбесе халык ярдәме һәм авыл дип җан атып яшәүче җитәкчеләр ярдәме белән башкарыла. Шушы көннәрдә Чүпрәле районының Кече Чынлы авылы халкы да “Ихлас” мәчете яңартылуын бәйрәм итте.
Тантанага ике мәхәллә халкы, илнең төрле төбәкләрендә яшәүче авылдашлар, дин әһелләре җыелды.
Димәк һәрвакыт ачык ишекле иман йорты төзелгәнгә быел егерме ел.
Кече чынлы җирлегендә үсеп килүче буынны рухи-әхлакый яктан баетуда дини белем-тәрбиянең өлеше зур. Мәчетне яңарту бигрәк тә киләчәк буын өчен кирәк.
Иман йорты — мәчетләр гомер-гомергә халык көче һәм тырышлыгы белән салынган. Хәзер дә шулай. Мәчет төзелгән вакытта мөселманнар бу игелекле эшкә битараф калмый, кулыннан килгәнне эшләргә, булышырга тырыша.
Бәхетле авыл халкының шатлыгын уртаклашуда катнашкан район хакимияте башлыгы , шулай ук Диния нәзарәте исеменән дин әһелләренә , иганәчеләргә Рәхмәт хаты тапшырылды.
Авыл күрке – мәчет, мәчет күрке – халык дип искәртте үз чыгышында Марат Гафаров. Ә биредә Чынлы мәчетләренең азан тавышы белән буыннын-буынга тәрбияләгән иманлы , эшчән халык яши.
Санап кителгәннәре киләчәк эше. Әмма башкарылганы да бихисап. Яңартылганнан соң Ихлас мәчетенең тагын да ирекенәеп, уңайланып киткән.
Аллаһы Тәгалә яраткан бәндәләренә генә мәчетләр төзү-торгызу мөмкинлеге бирә дип вәгазьләде намаз алдыннан мөфти хәзрәтләре.
Иман йортларын кайтаруны башлап йөргән Барис Гафуровка мәчет төзи башлаган елларда шелтәләр дә белдерелгән. Гомере буе туган авылы өчен , авылдашлары өчен җан атып яши ул.
Эше барның ашы бар. Ихлас мәчетенең яңартылып ачылуы Зөлхиҗҗә аена туры килде.
Барис Гафуров Ихлас мәчетенең яңартылып ачылуы хөрмәтенә корбан ашы оештырган. Изгелек изгелеккә юл ача.
Мөршидә Җиһан, Владимир Юрков
