Республика авыл хуҗалыгының еллык эшчәнлегенә йомгак ясалды. Казан Экспо залында тармак министрлыгының киңәйтелгән коллегия утырышы булды.
Утырышы алдыннан, агросәнәгать комплексы казанышлары күргәзмәсен карадылар. Анда Россиянең 200дән артык компаниясе товарлары – заманча комбайннар, чәчү комплекслары, ашлама сиптерү җиһазлары күрсәтелде. Быелгы цифрлаштыру елында Казан аграр университеты уникаль проект – Агробиотехнопаркны тәкъдим итте. Шунда ук югары уку йорты белән зур авыл хуҗалыгы компаниясе белән студентларның практикасын оештыру турында килешү төзелде.
Президент Рөстәм Миңнеханов авыл хуҗалыгындагы еллык нәтиҗәләрне бәяләп, киләчәккә бурычлар, шул исәптән иминиятләштерүне, фермерларны яклауны алгы планга куйды.
