Көзге айлар мул уңыш җыеп алу фасылы буларак аерылып тора. Көзге нигъмәтләре белән Кукмара районы халкы да мактана ала. Һәр шимбә- якшәмбе көннәрендә алар үз продукциясен тәкдим итә. Алар белән Кукмарадагы хәбәрчебез Миләүшә Хаҗиева татып карады.
Көз ае һәрвакыт җиләк-җимеш, яшелчәләр бай чак булып күзаллана. Авыл халкы өчен бу бигрәк тә урак өсте. Базарларда көзге уңышлар инде күренә башлады. Биредә күптөрле товарны сатып алырга мөмкин.
Сатучылар төрле яклардан киләләр. Гатауллиннар гаиләсе Казаклардан. Алар базарга иртәнге 4-тә ук кузгалалар. Үзләренә еш килә торган сатып алучылары да бар икән.
Анжелика Әхмәтҗанова Нур Баян урамына сатарга көн саен диярлек килә. Быел үз участогында 50 төп кыяр, 1000 төпкә якын помидор утытркан. Уңышы яхшы, күбесен базарга алып чыга. Алардан кала, алмалар да тәкъдим итә.
Сатып алучылар фикеренчә, базарда бәяләр кибетнеке белән чагыштырганда күпкә түбән. Кайсыберләрнең инде үзләренең гел сатып ала торган нокталары да барлыкка килгән.
Миләүшә Хаҗиева, Марат Сабирҗанов, Татарстан яңалыклары, Кукмара районы.
