Сабантуй, борынгы һәм мәңге яшь бәйрәм, халкыбыз тормышында зарыгып көтеп ала торган зур вакыйга. Татар халыкының милли гореф-гадәтендәге иң зур бәйрәм быел Россиянең 62 төбәгендә һәм дөньяның 39 илендә уза. Татарстанның Югары Ослан районы Мулланур Вахитов исемендәге авыл җирлегендә дә, бик зур матур чара буларак үткәрелде.Кечкенә генә 5 авылны берләштергән Бәйрәмне Югары Ослан муниципаль районы имамы Гали хәзрәт Җиһаншин башлады. Сабантуй флагын күтәрү өчен- алдагы елда Сабантуй батыры булып калган Вахит авылы егете Халиков Илнур Ильяс улы мәйданга чакырылды. Катнашучылар да аз булуга карамастан, бик теләп башкарабыз. Көчебездән килгәнне барысын да эшләргә тырышабыз, -дип, сүзен башлады Вахит авылы җирлеге башлыгы Фәрит Кәримов.
Халыкның бай иҗаты белән сугарылган Вахит авыл Сабантуе — яшәү дәртен, җитезлек һәм чаялыкны, осталыкны һәм уен-көлкене бергә туплаган, җанга ямь бирә торган бәйрәм булып истә калды. Борынгыдан калган милли көрәш, төрле йолалар һәм уеннарны үз эченә алып оештырылды әлеге бәйрәм.
Хәзерге вакытта Украинадагы махсус хәрби операциядә катнашучы Вахит авылы егетләрнең Ватан каршындагы бурычларын намус белән үтәүләре, яңа туган сабыйлар — авылның иң кече кешеләренең исемнәрен яңгырату, Вахит авылында яшәүче Олуг юбилярларны тәбрикләү, Россия күләмендә гаилә елын билгеләп үтү — иң төп темалар булып яңгыраган әлеге Сабантуй бары тик дуслык, Туганлык. Кардәшлек темасын алга куеп оештырылды.
Фәннур Хәсәнов Ирек Хәмидуллин Татарстан яңалыклары.
