Озак вакыт консервацияләнгән хәлдә булган бинаны авыл эшмәкәрләре заманча кулланышка яраклаштырып, тарихи йөзен торгызырга тырышканнар. Яңа Шәйморза авылындагы мәдәният йорты авыл халкына һәм анын кунакларына хәзер яңа рухта- дини юнәлештә хезмәт итәчәк.”Ислам дини мәдәният үзәге” бинасында дини никах, коръән ашлары, балага исем кушу һәм башка йолаларны уздырырга мөмкин булачак. Бина ачылган көнне биредә авыл мәчете төзелүгә 30 ел тулуны да билгеләп уздылар. Тулырак киләсе материалда.
Берничә дистә еллар буена буш яткан бинада бүген коръән авазы яңгырады. Берюлы ике вакыйганы билгеләргә чит төбәкләрдән, күрше авыллардан да байтак кеше җыелган. Фәрит Туктамышев бу авылдан 57 ел элек чыгып киткән була. Яңа Шәйморза авылында туып үскән, шунда белеем алып, олы тормыш юлына аяк басып, чит төбәктә яшәсә дә, авылын һәрвакыт сагынып кайта.
Туган төбәген чиксез ярату хисе күпләрне бирегә чакырып кайтарган бүген. Авыл уртасындагы клуб бинасы озак еллар ташландык хәлдә буллу эшмәкәр Марс Алиевны да борчый. Район җитәкчелеге белән сөйләшеп, ул әлеге бинага реставрация ясарга алына. Тарихи йөзен калдырып, заманча сулыш өрергә омтыла. Болар-барысы да яшь буында милли рух тәрбияләү максатында эшләнелә ди эшмәкәр.
Бәйрәм чарасы җыр — моңга да бай булды. Үзешчән артистлар авыл халкына үзләренең җырларын бүләк итсәләр, җитәкчелек бу эшне башлап йөрүчеләргә һәм активларга Рәхмәт хатлары тапшырды.
Бина да инженерлык челтәрләре — газ, җылылык, электр энергиясе, су кертү мәсьәләләре хәл ителгән. Башкарма комитет җитәкчесе Ленар авыл халкына бинаның ишекләре һәрвакыт ачык булуын, милли тәрбия эшендә аерылгысыз бер
”Ислам дини мәдәният үзәге”ә никах һәм коръән ашлары уздыру, балага исем кушу һәм башка шундый милли гореф-гадәтләрне, йолаларны уздыру урыны булып халыкка хезмәт итәчәк.
Яңа Шәйморза авылыннан Ранис Әхмәтшин, Кайрат Дәүләтбаев, Татарстан яңалыклары.
