Туфракка төшкән кырау игеннәр чәчелгән мәйданнарга зыян салды. Соңгы көннәрдә яңгырлар нормадан күпкә артык яву сәбәпле, чәчүдә дә игенчеләр кыенлыкларга очрады.
Чәчү агрегаты чираттагы әйләнешне ясый. Эшнең барышын спутниктан, тракторчы, шулай ук иң таләпчән игенче Михал Рычагов күзәтә.
Бу агрофирмада чәчү ахырына якынлаша, бөртеклеләр чәчеп бетерелгән диярлек. Яшелчә, бәрәңге, чөгендер, кәбестә генә калган. Кайбер үсентеләрне төнлә кырау суккан.
Май катлаулы булды, бер яктан — салкын, туфракта температура 5 ка кадәр төште, ә бәрәңгене ун градуста утыртырга була. Икенче яктан, бик дымлы, басуда эшләү мөмкин түгел иде.
Синоптиклар фаразларына караганда, ай ахырында һава җылына, республика кырларында, ниһаять, «эссе» булачак.
Көзгә нинди уңыш өлгерер, дип фаразларга иртәрәк. Ә синоптиклар фаразы буенча, җәй көне һава торышы климатик нормага якын, көз – җылы һәм дәвамлы булыр дип көтелә.
Булат Шакиев Дамир Мөхәммәтханов, Татарстан яңалыклары.
