Бүген-иртәгә басуларның 2/3 өлешендә урып-җыю тәмамланырга тора. Бер гектардан уртача 27 центнер уңыш чыга. Ә кайбер хуҗалыклар ике-өч көннән уракны төгәлләргә җыена.
Алабуга районының зур агрофирмалары һәм кече хуҗалыклары урып-җыюга ныклап әзерләнгән. Техниканы вакытында , минераль ашламалар әзерлзгәннәр. Шунсыз корылык шартларында мул уңыш үстереп булмый.
«Юраш» агрофирмасында бөртеклеләр биш мең ярым гектар мәйданда чәчелгән. Хәлил Сабирҗанов яздан алып урып-җыюга кадәр кырдан кайтып кермәүләрен сөйли. Барлык технологияләрне төгәл башкарырга кирәк иде ди.
Казан аграр университеты студенты Дилүс Фәйзрахманов урып-җыюда инде 8 нче сезонын катнаша. Ул монда бик теләп эшли. Бу егетләр «Хезмәт кешесен данлыйбыз» 15 нче республика конкурсының финалына чыгарга дәгъва итә. «Татарстан» телерадиокомпаниясе аны республика Авыл хуҗалыгы һәм азык-төлек министрлыгы, Казан дәүләт аграр университеты ярдәмендә үткәрә. Яшьләр арасында уракның абсолют лидерын сентябрь ахырында бөртеклеләрне урып-җыюдан соң ачыкларга исәплиләр.
Дмитрий Второв, Александр Решёткин, Динар Зиннәтуллин, Татарстан яңалыклары, Алабуга районы.
