“Дәва бирсен дип телибез”. Апас районында махсус хәрби операциядә катнашучы хәрбиләргә, яралыларга ярдәм итү дәвам итә. Кызыл-тау мәктәбе укучылары да изге эшкә кушылып, яралы хәрбиләргә эчке киемнәр тегә башлаган.
Әлеге үрнәк башлангыч Кызыл-Тау мәктәбе директоры Илдар Хәйбуллин теләктәшлеге һәм тырышлыгы белән оештырылган. Хәттә эчке киемнәрнең эләктергечләрен ул үзе тегә. Яралылар өчен эчке киемнәр тегү эше хезмәт дәресләрендә башланып китә. Биредә эш тоткарлыксыз бара. Кызыл-Тау мәктәбенең 7нче сыйныфында белем алучы Ләйсән Нургалиева актив укучыларның берсе. Ул укуда да сынатмый, җәмәгать эшләренең дә уртасында кайный. Мәктәптә “Алдынгылар” хәрәкәтенең рәисе итеп тә сайланган. Волонтерлык эшенә дә бик теләп кушыла.
Илүзә Галимовага кисү һәм үтүкләү эше йөкләнгән. Ул тиз арада киселгән тукымаларны тәртипләп тегүчегә тапшыра.
Эчке киемнәргә эләктергечләрен Кызыл Тау мәкәбе директоры Илдар Хәйбуллин үзе беркетеп тегә. Ул тегү эшен яхшы белә.
Кызыл-Тау мәктәбенең волонтер укучылары күп чараларда актив катнаша. Алар ихластан хәйрия эшләренә дә кушыла, ялгыз картларга, өлкәннәргә, ятимнәргә ярдәм итәргә ашыга.
Алия Галиуллина, Гөлнара Сөнгатуллина, Гадил Галиев, Татарстан яңалыклары, Апас районы.
