Чирмешән районының Бәркәтә авылы мәдәният йорты каршында җирле һәм кунакка кайтучы балалар өчен махсус лагерь эшләде. Яңа төр смена үзенчәлекләрен Мөршидә Җиһан күреп кайтты.
Тиз зарядкадан соң балалар линейкага тезелә. Һәр отряд үзенең исемен девизын әйтеп өлкән әйдаманга хисап бирә
Җәй – уку елы дәвамында арыганнарны бетерү, яңа көч туплау, сәламәтлекне ныгыту, балаларның иркенләп бер-берсе белән аралаша торган чоры.
Әлбәттә бик күркәм башлангыч. Бу смена балаларны авылларга җәлеп итү үрнәге. Ул гадәти лагерьлардан көнгә 4 сәгать кенә узуы белән аерыла.
Бәркәтә авыл мәдәният йорты каршыда республикада беренче булып «ӘЙДӘ» балалар иҗат лагере эшли башлады. Матди ярдәм тулысынча иганәчеләрдән. Икенче генә ел уздырыдырылса да тәҗрибә тупларга, хәтта күрше Самара өлкәсеннән дә белгечләр килгән.
Әйдә сменасының программасы бик кызыклы , көн дә балалар әйдаманнарын яңа иҗат җимешләре белән сөендерә.
Әйдаманнар дәресләреннән тыш балалар смена дәвамында төрле кунаклар белән очрашты, остаханәләрдә катнашты.
Балалар өчен иң мавыктыргыч уен -квест. Оештыручылары-Беренчеләр хәрәкәте.
Баланың уңышка ирешүе күп очракта аның тирә-яктагы шартларга яраклаша белүеннән һәм элемтәләр урнаштыра алуына бәйле. Каникуллар вакытында Әйдә кебек профильле ял сменасына бару иҗат сәләтеңне арттыру һәм яңа дуслар табу өчен иң шәп мөмкинлек.
Мөршидә Җиһан, Дамир Мөхәммәтханов. Татарстан яңалыклары.
