Кытай календаре буенча киләсе ел – Куян елы. Алдагы видеоязмабыз герое – Сәет Хәсәнов инде 30 елдан артык куянар үрчетү белән шөгыльләнә. Бүгенге көндә хуҗалыкта аларның, 30га якын төре бар.
60 яшьлек Сәет Хәсәновның һәр иртәсе куян читлекләрен тикшерүдән башлана. Ашатырга, эчертергә, чисталык урнаштырырга кирәк. Аның сүзләренә караганда, мондый эш үзеңне тонуста тотарга ярдәм итә. Бүгенге көндә хуҗалыкта куяннарның дүрт төре бар. Сәет Хәсәнов токым сайлауга аерым әһәмият бирә.
Хәсәновлар гаиләсе куяннар үрчетү белән 90нчы еллардан бирле шөгыльләнә. Барысы да кечкенә кызлары йорт хайваны сорагач башлана. Гаилә башлыгы үзе дә куяннар белән кечкенәдән кызыксына.
Кышка күпме куян калуына карап, Сәет Хәсәнов печән һәм солы сатып ала. Быел соңгысын бер тонна сатып алган. Куян ите диетик һәм сәламәт ризык булып санала. Йорт хуҗасы бу хайваннарның психологик яктан берникадәр булышуларын да билгеләп үтә.
Хәсәновлар гаиләсе киләсе ел символы һәркемгә дә шатлыклы вакыйгалар гына китерер дип өметләнә. Яңа ел өстәлендә куян итеннән ризыклар булмаячак. Бу аларга хөрмәт йөзеннән, ди хуҗа.
Алсу Сәмигуллина, Илнур Кадыйров, Татарстан яңалыклары.
