Буалылар өчен дә, туристлар өчен дә кызыклы булырлык үзенчәлекле урыннар бар районда. Шуларның берсе Мөкерле авыл җирлеге территориясендә урнашкан Карлы кратеры. Рәсми чыганакларга ышансак, миллион еллар элек нәкъ менә шушы авыл утырган җирдә метеорит төшеп, зур чокыр хасил булган. Моны дәлилләүче фактлар бармы? Биредә яшәүчеләр нинди фикердә? Уникаль табигать һәйкәле урынында безнең төшерү төркеме булып кайтты.
Андрей Андреев фикеренчә, биредә метеорит төшкән дип фаразлаулар авылның рельеф буенча уйсу урында урнашуы белән бәйле. Өстәвенә, җирлекнең ян-яклары күтәрелеп тора. Шул дәлилләргә таянып, Мәскәү галимнәре нәкъ менә бу җирдә метеорит төшеп, зур чокыр калдырган дигән фикергә килгән. Ә казанлылар башкача уйлый.
Укытучы шәхсән үзе бу карашны хуплый. Чөнки метеорит төшүне 100% дәлилләүче фактлар юк. Бу сорау әлегәчә ачык кала бирә.
Шулай да Карлы кратеры белән кызыксынучылар юк түгел. 2013нче елда, Чиләбе метеориты төшкәннән соң, аларның саны тагын да арткан.
Табигый ресурслар белән кызыксынучылар өчен тагын бер урын — известь карьеры бар авыл җирлеге территориясендә. Биредә известь оны җитештерелә. Әлеге акбур катламнары миллион еллар элек барлыкка килгән дип санала.
Кыскасы, туристик маршрут булдырырлык әнә шундый уникаль урыннар бар районда.
Алсу Сәмигуллина, Сирин Хәсәнов. Татарстан яңалыклары.
