Әле кайчан гына качык тегү цехы, күркә, сыер фермалары ачылып эшли башлаган иде. Бу җәй авыл тагын да җанланып китте. Сәбәбе нидә икән? Исәктән Мөршидә Җиһан репортажы.
Тирән тамырлы тарихы бар дип әйтеп булмый Исәк авылының , әмма гомер-бакый хезмәт сөючән, үз максатына ирешүчән халык яши биредә. Беренче тапкыр әлеге авыл 1686 елдан мәгълүм. Халык саны рус-татар земство мәктәбе ачылган чорда 1200дән артса хәзер, әлбәттә кимегән. Әмма, шөкер бар.
Гөлнур апа авылның элеккедән Махыш дип йөртелгән урамында яши . Алар өеннән ерак түхгел өр яңа йорт өлгерткәннәр димәк җир көче тарта. Әйтәләр бит әле җан тартмаса кан тарта дип. Күрәсең яши-яши, дөньяны күбрәк таныган саен кеше нәсел, нигез тамырлары кадерен күбрәк аңлый башлый. Искечә Шәрәбә, хәзер яр буе дип аталган урамда Закировлар нәселе яшәгән кечкенә генә йорт бар. Анда авылның ак әбисе Гөлбаһар апа яшәп бакыйлыкка күчкән. Әмма аның вәсыятен үтәп йозак эленәсе нигезгә җан кергән.
Гөлнур апа Мәскәүдә яши. Исәккә кызлары Елена белән Римма белән җәйләрен генә кайтып йөргән. Балалары белән авылда төп нигезне бетермәскә , яңартырга киңәшләшкәннәр. Эш мунчадан башланган. Быел инде җир-җимертеп ике катлы йорт төзеп яталар. Кызы төп прораб дисәк тә була. Елена Профессиональ спортчы –гимнаст булган. Америкада яши , аның үзенең шәхси акробатика студиясе бар. Бу аның матди чыганагы, әмма рухи чыганак авылда , исәктә ди Елена.
Еленаның тора –бара җәйләрен генә түгел, озаккарак та кайтырга теләге бар. Авыл үзгәрә, мөмкинлекләр арта ди.
Елена хаклы, Исәктә үзгәреш чоры. Бу урамда 4 гаиләгә өр яңа йорт төзелеше бара. Аннан тыш та Исәктә туып, озак еллар Татагропромстрой оешмасын җитәкләүче абруйлы шәхес Ирек Закиров башлангычында мәктәп бинасының бер ягында авылга кайтып яшәргә теләүчеләргә фатирлар төзелде.
Исәккә илтүче юлларда да эш кайный. Күрше Әнкәбәдән 3 чакрым тирәсе юлга асфальт түшәлә.Заманында нәкъ менә шул юлсызлык авылдан калага китәргә мәҗбүр иткән иде бит исәклеләрне. Халык теленә Исәккә тиздән мәдәният йорты да салына дип кергән. Халык әйтсә хак әйтә ул. Мәдәният йорты ачылу , халыкара класслы спорт мастеры , «Мисс Рок-н-ролл России» исеменә лаек булган Еленага үз студиясен исәктә дә ачарга этәргеч бирер. Норд Майами Бичтан Исәкнең кай җире ким.
Фәрит Җәләли, Мөршидә Җиһан. Татарстан яңалыклары
