Буа районының Авангад агрофирмасы ел саен Татарстан Республикасы күләмендә үсемлекчелек һәм терлекчелектә югары нәтиҗәләргә ирешкән хуҗалык. Быел беренчеләрдән булып уракка төшүләре дә аларның һәр яктан үрнәк икәнлеген раслый. Хәбәрчебез Мөршидә Җиһан Авангард хуҗалыгы кырларында игенчеләр белән күрешеп уңышка ирешү сәбәпләрен өйрәнеп кайтты.
1 нче апрельдә чәчкән арпа кыры бу. Көлке көненә туры килсә дә нәтиҗә көлкегә калырлык түгел бер гектардан 55 центр уңыш алына. Авангард хуҗалыгының баш агрономы әнә шулай комбайн артыннан игеннең әрәм шәрәм булып калмавын тикшерә.
Бер офыктан бер офыкка чайкалган иген кырларында җырдагыча ат дугасыннан күмелерлек булмаса да уңыш әйбәт чыгачак дип ышындыра белгечләр.
Узган ел Авангард хуҗалыгы комбайнеры Рәдис Төхфәтуллов 1162 гектар ашлык суктырып алдынгы комбайнчы буларак танылды. Быел да ул өр-яңа кыр корабын иярли.
Хезмәтенә күрә хөрмәте булгач эшлисе дә, яшисе күңеле ди тиздән икенче тапкыр әти булырга җыенган Рәдис Төхфәтуллов. Сәгать кебек эшли монысы ургычларны көйләү һәм тизлек рычаглары, Ә бу төймәләргә басып иген бушату бункерын ачып ябам дип яңа комбайнының мөмкинлекләре белән дә танышырды.
Уракка төшү башактагы орлыкның дымлылыгы 10 нан 15 кә кәдәр булырга тиеш. Әлеге арпанның дымлылыгы 29 белән 33 процент арасында, димәк терлеккә фураж итеп ясар өчен җитә.
Казылык кебек сузылып киткән бер рулонның озынлыгы 60 метр, ә сыйдрышлылыгы 120 тонна тирәсе. Анда шулай ук коры игенне дә, баз булмаган очракта силос та саклап була. Өстәвенә игенгә зыян бирүче кимерүчеләрдән котылу чарасы да.
Әле яңа гына район күләмендә уракка төшәсе техниканың әзерлеге тикшерелде. Бар да тәртиптә. Димәк, урып-җыюны беренчеләрдән булып башлаган Авангард хуҗалыгының беренчеләрдән булып уракны төгәлләргә дә мөмкинлекләре бар.
Мөршидә Җиһан, Таһир Хәсәнов.
