Буа муниципаль районы Советының 2022 ел эшчәнлегенә йомгак ясау һәм агымдагы елга бурычлар кую буенча чираттагы утырышы узды. Ниләр башкарылган һәм нинди уңышлары бар? Рәсми чарадан тулырак хәбәрчебез Мөршидә Җиһан репортажы.
Ирешкән уңышлар күз алдында һәм алар белән Совет утырышында катнашучылар утырыш башлангынчы танышты. Әлеге муллыкны күргәч, сүз урынсыз кебек. Буа районы товар җитештерүчеләре күргәзмәсенә күз салу да җитә.
Кунакларны районы башлыгы Ранис Камәртдинов озатып йөрде. Үз эшенең остасын судагы балык кебек йөзә дибез. Данлыклы шикәр чөгендере үстерүчеләр балык үрчетү буенча да танылып килә. Аның өчен “Аква Августэ” җәмгыяте җаваплы. Биредә 10 пластик чан һәм алыр барысы да балык белән тулы.
Төп Утырыш районның мәдәни үзәгенә узды. Аның эшендә Татарстан Республикасы Премьер-министры урынбасары Татарстан РеспубликасыАвылхуҗалыгы һәм азык-төлек министры Марат Җаббаров, Татарстан Дәүләт Советының Законлылык һәм хокук тәртибе комитеты рәисе Шакир Яудин, Казан шәәрендәге якташлык җәмгыяте вәкилләре һәм район активы катнашты. Утырышның көн тәртибен район башлыгы Ранис Камартдинов алып барды. Ул төп чыгышында җитештерү өлкәсенең барлык тармаклары эшчәнлегенә анализ ясады, уңышларны ассызыклады, ирешеләсе максатларга тукталды.
Бу күрсәткечләргә ирешүгә «Буа машина төзелеше заводы» эшчәнлегенең , башка җитештерү оешмаларның һәм районның авыл җирлеге башлыклары хезмәте дә ярдәм итә.
Кайбер юнәлешләрдә, бигрәк дә демографик мәсьәләдә, бүгеннән үк чишү юлларын эзли башларга кирәк, әмма тулаем алганда Буа муниципаль районы авыл хуҗалыгы җитештерүе буенча Татарстан Республикасының иң яхшы аграр районнары арасында. Әмма камиллеккә һәрвакыт омтылырга кирәк.
Утырыш буалыларга эшләрендә югары күрсәткечләр өчен хөкүмәт бүләкләре һәм җирле рәхмәт хатлары тапшыру белән тәмамланды.Элек биредә район башлыгы булып эшләнгән Марат Җаббаров та Буа районының мактаулы гражданины исеменә лаек булды.
Мөршидә Җиһан, Илдар Галәветдинов Татарстан яңалыклары.
