Кукмара районы терлекчеләре бердәм эксперимент үткәрде. Кече фермер хуҗалыклары кооперативка берләшеп, бер комплекста үзләренең мини-сөт комплексын булдырды. Бу чыгымнарны сизелерлек киметергә мөмкинлек бирде. Әлеге яңалыкның беренче нәтиҗәләре турында киләсе сюжетта.
Чура авылыннан ерак түгел сыер абзарларының беренче конструкцияләрен төзи башлагач та, фермерларда кызыксыну арта. Проект инициаторы Алексей Леонтьев шәхси хуҗалыкта сыер асрауның ни өчен җиңел булмавын дәлилли.
Яңа схеманың асылы гади. 6 пайчы бер территориядә 25 башка исәпләнгән ферма төзи. Аларның бурычы-сыерларны тиешенчә тукландыру. Ә барлык җитештерү чыгымнары һәм баланслы азык китерү — кооператив җитәкчелеге бурычы. Фермерлар бер трактордан, бер ветеринария табибы, ясалма орлыкландыручы хезмәтеннән чиратлап файдаланалар. Бу сөтнең үзкыйммәтен сизелерлек киметә. Тагын бер өстенлек – малларны бәйләмичә асрау.
Әлегә ике ферма эшли, тагын 4се быелгы җәйдән эшли башлый. Кооперативта мондый схема буенча сөт җитештерүнең отышлы булуына инанганнар инде.
Дмитрий Второв, Ренат Сәхибгәрәев, Илдар Сафиуллин, Татарстан яңалыклары, Кукмара районы.
