Бакчачылар өчен кызу эш вакыты килеп җитте. Быел республикада бер миллионнан артык кеше җир кишәрлекләрендә яшелчә, тиләк-җимеш, бәрәңге үстерер дип көтелә. Күпләр чәчүлек орлык сатып алырга өлгергәннәр инде. Татарстан авыл хуҗалыгы һәм азык-төлек министрлыгы инициативасы белән авыл җирендә яшәүче пенсионерларга, күп балалы мохтаҗ гаиләләргә чәчүлек орлык бушлай таратыла.
“Кыяр, помидор, чәчәк орлыклары бәяләре артты, күпкә түгел, “ — диләр сатучылар. Ә суган орлыгы ике тапкыр кыйммәтләнгән. Килограммы өч йөз сумнан артык.
Суган, башка яшелчә культуралары орлыкларын бушлай да алырга мөмкин. Татарстан авыл хуҗалыгы министрлыгы ел саен пенсионерларга, шулай ук авылда яшәүче күп балалы һәм аз керемле гаиләләргә утырту материалын тарата.
Тик орлыкларга ихтыяҗ зур, чын контрафакт үсентеләре дә артырга мөмкин.
Документларны барлык сатып алучыларга да тикшерергә, этикеткаларны игътибар белән өйрәнергә киңәш итәләр.
Владимир Дейнекин үз өендә үсемлекләргә теплица шартлары булдырган. Аның кече бакчасы бар. Орлыкларны үзләре, көз көне үк әзерлиләр. Менә помидор, кыяр, борыч үсентеләре.
Үсемлекләрне вакытында тукландырсаң, кышка мул уңыш әзерләп куярга мөмкин, — ди Владимир Дейнекин. Җәй буена бакчачыларны, авыл кешеләрен җирдә тынгысыз хезмәт көтә. Тиздән хуш исле җиләк пешәр, кыяр өлгерер, помидорлар кызарыр. Җәй бакчачылар өчен җәннәткә тиң вакыт ул.
Фирүзә Насыйрова, Илдар Галәветдинов, Ленар Хәбибуллин, Татарстан яңалыклары.
