Республиканың көньяк-көнчыгышында бөртеклеләр уңышын урып җыюга беренче булып Азнакай районы игенчеләре кереште.
Зур агрофирмалар һәм кече фермер хуҗалыклары басуларына 105 комбайн чыкты. Быел парк тагын 5 яңа комбайн белән тулылыанды. Һәр машинага – 700әр гектарда ашлык җыеп алырга туры киләчәк, бар техника төзек хәлдә. Район буенча 50 мең гектарда уңышны җыеп аласы бар. Шуларның 20 мең гектары — көнбагыш, рапс һәм карабодай кебек югары сортлы культуралар. «Марс»хуҗалыгында берничә ел инде чәчү һәм урып-җыюның заманча технологияләрен кулланалар. Чәчүгә 10 апрельдә үк керешкән булганнар. Һәр гектардан уртача 40 центнер чамасы ашлык җыела. Белгечләрнең әйтүенчә, кайбер басуларда уңыш гектарыннан 50 центнерга кадәр җитә.
Марсель Шәйдуллин Азнакай муниципаль районы башлыгы
