Татарстан Президенты Рөстәм Миңнеханов эш сәфәре белән Азнакай һәм Лениногорск районнарына булды. Предприятиеләрнең эшчәнлеге, язгы кыр эшләренең барышы белән танышты.
Азнакай районында заманча терлекчелек комплексы 2000 башка исәпләнгән ике каралтыдан тора. Җәй ахырына тагын шундый ук ике каралты төзеп тапшырырга планлаштыралар.
Районда егерме ике меңнән артык мөгезле эре терлек исәпләнә, район сөт продуктлары җитештерү буенча алдынгылар рәтендә. Дәүләт программалары да булыша — грантлардан фермерлар актив файдалана. Продукцияне сату өчен агропарк кирәк. Президент тиешле күрсәтмә бирде. Лениногорск районында да терлекчелекне үстерү турында сөйләштеләр.
Быел республикада дүрт миллиард ярым сумлык грант бирелгән. Авыллар территорияләрен төзекләндерәләр.
Быел да авыл халкының торак шартларын яхшыртуга игътибар бирелә. Рөстәм Миңнеханов барлык программалар да катлаулы икътисади шартларда да саклана, дип белдерде.
Республикада язгы кыр эшләре график буенча бара. Хуҗалыклар барлык кирәкле әйберләр белән тәэмин ителгән. Лениногорскийдагы күпьеллык үлән орлыкларын чистарту заводы илнең башка төбәкләренә дә утырту материалы җибәргән. Яшелчә, яшел тәмләткечләр, чәчәкләр үсентеләрен базарга һәм теплица комбинатына да китерәләр. Предприятиенең ел әйләнәсенә эшләве турында да уйланганнар, электр тапшыруның һава линиясен төзергә кирәк. Рөстәм Миңнеханов бу мәсьәләне хәл итү мөмкинлеген карарга кушты.
Фәнис Мөхәммәтов, Валентина Васильева, татарстан яңалыклары.
