Республикабызда көннән – көн яңа биналар ачылып тора. Азнакайда заманча төзелгән ЗАГС бинасы шундыйларның берсе. Тулырак Азнакайдан хәбәрчеләребез язмасында.
Азнакайның Гаилə паркында заманча архитектура төгəл-тигез геометрик киселешлəр белəн төзелгəн зəвыклы Никахлашу Сарае — яңа ЗАГС бинасы барлыкка килде.
ЗАГС бинасына беренче нигез ташы узган елның май аенда салынды. Төзелеш «Татнефть»компаниясенең финанс ярдəме белəн алып барылды һəм тиз арада сафка басты. Никахлашу сараеның һəр элементы тирəнтен уйланылган, дивар, тантана залы, эш бүлмəлəре -ак һəм күк төслəрдəн тора. Бизəлеш-аклык һəм ныклыкны тасвирлаучы, хатын-кыз белəн ир-егет символы һəм,шул ук вакытта ул тугрылык һəм тигезлек билгесе дə.
Ачылу тантанасына тигез тормыш юлы үткəн, бергə 50-60 ел тату яшəгəн гаилə парлары чакырылган иде.
Никахлашу Сараен ачу тантанасында ТР Премьер-министр урынбасары Васил Шəйхразиев,»Татнефть»г.ж.генераль директоры урынбасары Рөстəм Мөхəммəдиев, Азнакай районы башлыгы Марсель Шəйдуллин катнашты.
Әлфия Исламова, Ләйсән Габдуллина, Рамил Исламов, Татарстан яңалыклары өчен Азнакай районыннан.
