Хөкүмәт Йортында узган киңәшмәдә Татарстан Республикасы Премьер-министры урынбасары — авыл хуҗалыгы һәм азык-төлек министры Марат Җаббаров 9 ай дәверендә башкарылган терлекчек тармагы эшенә йомгак ясады. Киңәшмәне видеоконференция режимында Татарстан Республикасы Рәисе Рөстәм Миңнеханов уздырды.
БАРЛЫГЫ 69 миллиард сумлык терлекчелек продукциясе сатылган, шуның 4 миллиард сумы сөт сатудан кергән.Узган атнада иң яхшы механизаторларны, агрономнарны һәм агрофирма җитәкчеләрен һөнәри бәйрәмнәре — Авыл хуҗалыгы һәм эшкәртү сәнәгате хезмәткәрләре көне белән котладылар. Әлеге чара да Рөстәм Миңнеханов катнашында узды.
Әхтәм Сөләйманов крестьян-фермер хуҗалыгы Нурлат районында бөртекле культураларның уңышы һәм сөт җитештерү буенча алдынгылар сафында. Крестьян Фермер Хуҗалыгының башкарма директоры Ирек Хәйдәрҗанов һәрбер эшне эшчеләр белән берлектә башкара.
Һөнәри бәйрәмдә «Россиянең атказанган авыл хуҗалыгы хезмәткәре» исеменә лаек булды.
Быел һава торышы явым-төшемнәр белән куандырмаса да – Республикада, барлыгы, өч миллион ярым тонна ашлык суктырылган. Мондый шартлар да, әлеге санны рекордлы дип тә санасаң була. Шулай ук терлекчек тармагы да сынатмады. Татарстан Россиядә –сөт җитештерү буенча да алдынгылар сафында. Икенче ел рәттән савым күләме 2 миллион тоннадан артып китте. Терлекләрне уңышлы кышлату өчен җитәрлек күләмдә азык әзерләнгән.
Республика Рәисе шулай ук үз рәхмәтләрен җиткерде. Авыл хезмәтчәннәрен шулай махсус хәрби операциядә катнашучылар да котлады. Узган шимбәдә Алексеевск районында яшь комбайнчыларның «Хезмәт кешесен данлыйбыз» республика конкурсының җинүчеләре билгеле булды. Әлеге бәйге безнең телерадиокомпания, Авыл хуҗалыгы һәм азык-төлек министрлыгы, шулай ук Казан дәүләт аграр университеты белән берлектә уздырылды.
Биредә булучыларны кыр батырлары дип әйтсәк, ялгыш булмас, чөнки алар берничә ай дәверендә җиң сызганып, төрле авырлыклар булуга карамастан, кырларда хезмәт куйды, уңыш өчен көрәште. Эш нәтиҗәләре “ Хезмәт кешесен данлыйбыз” республика бәйгесендә билгеле булды.
Быел бүләкләү тантанасы очраклы рәвештә генә Алексеевск районында уздырылмады, 2008 нче елда, төгәл унбиш ел элек, әлеге районда беренче тапкыр “ Хезмет кешесен данлыйбыз” бәйгесе беренче тапкыр уздырылды.
Быел конкурс «Россия авылы» федераль партия проекты кысаларында узды. Аның координаторы Татарстан Дәүләт Советы Рәисе урынбасары Марат Әхмәтов. Әлеге проектның максаты- авыл хезмәтчәннәренә һәрьяклап ярдәм итү һәм яшьләрне авыл хуҗалыгы тармагына җәлеп итү.
Рөстәм Мөхәммәтдинов өченче урынга лаек булды. Әлеге тармакта 8 ел хезмәт куя, дүрт ел рәттән әлеге бәйгедә катнаша.
Барлыгы Республика өч ярым миллион ашлык суктырылган, иң югары күрсәткеч-Тукай районы,биредк 159 мең тонна бөриекле культура җыелган.
