Кырлардагы урып-җыю эшләренең барышы турында Хөкүмәт Йортында узган киңәшмәдә Премьер-министр урынбасары, авыл хуҗалыгы һәм азык-төлек министры Марат Җаббаров сөйләде. Киңәшмәне Татарстан Республикасы Рәисе Рөстәм Миңнеханов үткәрде.
Урып-җыю эшләре дәвам итә. Үткән шимбәгә 70 мең гектарда көнбагыш, 26 мең гектар мәйданда шикәр чөгендере, 35 мең гектардан кукуруз җыеп алганнар. Шулай ук бәрәңге белән яшелчә җыю да дәвам ителә
Бүген республикада бер баш терлекка 24 ярым центнер азык әзерләнгән. Үткән елгы запасларны истә тотып, азык белән тәэмин ителеш 35 центнер тәшкил итәчәк, әлеге уңыш күләме киләсе елга кадәр җитәчәк дип фаразлана.
Узган ел Министрлык тарафыннан “ Профессионалитет” федераль проекты оештырылган иде. Әлеге Проект сәнагать юнәлешендә хезмәт куяр өчен яхшы әзерлекле эшчеләр әзерли. Без Мамадыш районында урнашкан авыл хуҗалыгы предприятиясенә сәфәр кылдык һәм әлеге проект эшчәнлеге белән якыннанрак таныштык.
Колледжа укучы студентларга иң беренче чиратта Заманча технологияләр ярдәмендә тәҗрибә тупларга кирәк. Мисал итеп Мамадыш районында урнашкан – эре холдингларның берсен атый алабыз. Биредә товарлыклы сөтчелек фермалары, ит комбинаты, эшкәртү производстволары урнашкан.
Ит комбинатының җитештерүчәнлеге тәүлегенә 200 башка җитә. Технологияләр ярдәмендә биредә барысы да сәгать механизмы буларак эшли. Мәсәлән, көтү белән идарә итү махсус программа буенча башкарыла , шулай ук биредә сөт һәм ит җитештерү цехлары урнашкан. . Анастасия Минһаҗева — Кукмара аграр көллиятенең директоры урынбасары федераль професионалитет проектында катнашып, тәҗрибә туплау бик мөһим ди.
