Татарстанга Үзбәкстан Премьер-министры Абдулла Арипов эш сәфәре белән килде. Рөстәм Миңнеханов белән бергә алар “Алабуга” махсус икътисадый зонасында булдылар, анда Үзбәкстан Хөкүмәте башлыгына махсус территориянең өстенлекләрен тәкъдир иттеләр. Ә Казанда Рөстәм Миңнеханов республиканың сәнәгать һәм икътисадый үсешен күрсәтте. Күргәзмәдә Абдулла Арипов Татарстанның агросәнәгать комплексы яңалыклары белән дә җентекләп танышты. Аерым алганда, монда заманча авыл хуҗалыгы техникасы һәм чәчү комплекслары тәкъдим ителгән, алар Мөслим заводында җитештерелә.
14нче сентябрьдә Сәйдәшев исемендәге Зур концертлар залында Татарстан Республикасы Рәисе Дәүләт Советына Юллама белән мөрәҗәгать итте. Төп темалар арасында — махсус хәрби операциянең барышы һәм безнең хәрби хезмәткәрләргә, аларның гаиләләренә ярдәм итү, киләсе елны республикада фәнни-технологик үсеш елы дип игълан ителде. Мөрәҗәгатьтә игътибарны Рөстәм Миңнеханов республиканың Агросәнәгать комплексы үсешенә дә бирде. Игенчеләр 3 миллион 700 мең тонна бөртекле ашлык җыйган. Шулай ук миллион ярым тоннадан артык шикәр чөгендере, 800 мең тоннадан артык бәрәңге җыеп алу көтелә. Бу халыкны азык-төлек продуктлары белән тулысынча тәэмин итәргә мөмкинлек бирә.
Рөстәм Миңнеханов ассызыклаганча, безнең төп бурыч — баш санын киметүгә юл куймау. Аны торгызу, яңа терлекчелек комплексларын төзү буенча юл карталары безнең агрохолдингларыбыз тарафыннан кабул ителде. Авыл хуҗалыгы һәм азык-төлек министрлыгына аларның үтәлешен тикшереп торырга кирәк.
Бауман исемендәге Казан Дәүләт ветеринария медицинасы академиясенә 150 ел тулды. Югары уку йортының юбилеена багышланган тантаналы җыелышта Премьер-министр урынбасары — республика авыл хуҗалыгы һәм азык-төлек министры Марат Җәббаров, Министрлар Кабинетының Баш ветеринария идарәсе башлыгы Алмаз Хисаметдинов, министрлыклар һәм муниципаль хакимият органнары җитәкчеләре, агробизнес һәм агросәнәгать комплексы вәкилләре катнашты. Аларның күбесе академияне тәмамлаучылар. Уку йортын истәлекле дата белән котларга Мәскәүдән, Санкт-Петербургтан һәм Россиянең төрле төбәкләреннән 300 дән артык кунак килгән. Утырыш башланганчы, кунаклар уку корпуслары белән танышты, ремонтланган аудиторияләрне һәм уку классларын карады.
Россия Федерациясенең атказанган ветеринария табибы Марат Җәббаров билгеләп үткәнчә, инде 150 ел Казан дәүләт ветеринария медицинасы академиясе — тармак өчен югары квалификацияле кадрлар әзерләү буенча. Сез заман белән бергә атлыйсыз, уку процессына заманча технологияләрне кертәсез.
Шулай ук министр Казан дәүләт ветеринария медицинасы академиясен «Татарстан Республикасы алдындагы казанышлары өчен» ордены белән бүләкләү турында Указга кул куйды. Ул алдынгы галимнәргә һәм укытучыларга дәүләт бүләкләре тапшырды.
Иртә — таңнан ике министр — инде ярминкә рәтләрен карый. Бу экспозиция икеләтә кадерле. Яшелчәләрне үстергәннәр, камыр ризыклары пешергәннәр, ә агач эшләнмәләрен авыл халкы түгел, һөнәри-техник училище һәм көллият укучылары ясаган. Бу булачак белгечләр. Елына бер тапкыр алар башкалада үз осталыкларын күрсәтә. Буа ветеринария техникумы Агропарк мәйданчыгында камыр ризыклары, бөртекле культуралар, агачтан эшләнмәләр, җиләк-җимеш продукциясе һәм башкалар белән таныштырды.
Авыл хуҗалыгы һәм азык-төлек министрлыгы башлыклары һәм Мәгариф министрлыгы ярминкә мәйданчыгының сыйфатын югары бәяләде.
Авыл хуҗалыгы һәм азык-төлек министрлыгында тагын республикада традицион авыл хуҗалыгы ярминкәләре дәвам итә. Алар шимбә көннәрендә уза. Ярминкәләрне 23нче декабрьгә кадәр уздыру планлаштырыла.
