Терлекчелек тармагындагы беренче яртыеллык нәтиҗәләре һәм урып-җыюның барышы турында, Татарстан Республикасы Премьер-министры урынбасары — Татарстан Республикасы Авыл хуҗалыгы һәм азык-төлек министрлыгы башлыгы Марат Җаббаров Хөкүмәт йортында үткән киңәшмәдә сөйләде. Киңәшмәне Премьер-министр Алексей Песошин үткәрде.
Узган шимбәгә 468 мең гектар җир эшкәртелгән — бу планның 31 %. Алдынгылар сафында Тәтеш, Чүпрәле һәм Кайбыч районнары. Терлекчелеккә килгәндә, беренче яртыеллыкта 1 миллион 76 мең тонна сөт савылган, бу башка еллар белән чагыштырганда 9% күбрәк. 233 мең тонна терлек һәм кош ите сатылган.
Узган атнада Татарстан игенчеләре бер миллион тонна ашлык суктырып алдылар. Урып-җыю барышы белән без үзебез дә, якыннанрак таныштык. Кырда эшләүче механизаторлар арасында «Хезмәт кешесен данлыйбыз» 15 нче республика яшь комбайнчылары конкурсының финалистлары да бар. Әлеге бәйге Безнең телерадиокомпания, Авыл хуҗалыгы һәм азык-төлек министрлыгы, Казан дәүләт аграр университеты ярдәмендә үткәрелә. Урып-җыю нәтиҗәләре буенча алдынгылар сафында баручы районнарның исемлеге билгеле — болар — Тәтеш, Зәй, Әлки һәм Тукай районнары.
Тулаем алганда, Тукай районы басуларында урып-җыю эшләре яхшы темпта бара. Район башлыгы Фаил Камае,в кыр эшләре белән шәхсән үзе танышып,килеп туган проблемаларны вакытында хәл итеп бара. Тукай районының яшь экипажлары «Хезмәт кешесен данлыйбыз» 15 нче яшь комбайнчылар бәйгесенең финалистлары булу өчен ярыша. Әлеге бәйге Безнең телерадиокомпания, Авыл хуҗалыгы һәм азык-төлек министрлыгы һәм Казан аграр университеты белән берлектә үткәрелә. Җиңүчеләр исемлеге кампаниясе тәмамлангач билгеле булачак.
Татарстанда урып-җыю эшләре яртысына якынлашып килә. Бер миллион ярым тонна ашлык суктырылган инде. Уртача уңыш — гектардан 28 центнер чамасы. Тәтеш игенчеләре алда бара. Катлаулы һава шартларында республиканың көньяк-көнчыгышында игеннәр өлгерде. Ютазы аграрийлары бодай һәм арпа уңышы белән мактана алмаса да, башка бөртеклеләр, сөендергән.
«Агромир» хуҗалыгының ашлык киптерү комплексы сәгатенә 60 тонна ашлык кабул итә ала. Заманча җиһазлар газ белән автоматик режимда эшли.Кабул итү куәте — 50 мең тонна. Беренче машиналар басулардан яңа уңыш алып чыкканчы, амбарлардан былтыргы ашлыкны сату өчен бушаталар. Икмәккә әлегә әйбәт бәя юк, — ди хуҗалык башлыгы Сирин Галиев. Быел корылык булу сәбәпле бөртеклеләр уңышы мактанырлык түгел. Июнь аенда монда нибары 60 миллиметр явым-төшем булган, шуңа күрә бүген гектарыннан 20 центнер чамасы уңыш алалар. Әмма, яхшы күләмдә карабодай өлгерә.
Башкортстанның умартачылары белән дә уңышлы гына хезмәттәшлек итәләр. Умарталыкны карабодай кырлары янында җәелдергәннәр. 6 мең гектар сөрү җиренең яртысы бөртекле культуралар өчен бирелгән, комбайнчыларга өлгерергә кирәк.
Ютазы яшьләр экипажлары «Хезмәт кешесен данлыйбыз» 15 нче республика яшь комбайнчылар конкурсының финалына чыгар өчен ярыша. «Татарстан» дәүләт телерадиокомпаниясе, Татарстан Республикасы Авыл хуҗалыгы һәм азык-төлек министрлыгы, Казан аграр университеты белән берлектә урып-җыю кампаниясе тәмамланганнан соң яшьләр арасында җиңүчеләрне билгели.
