Татарстан Республикасы Рәисе Рөстәм Миңнеханов Хөкүмәт Йортында хайваннар һәм кошлар арасында йогышлы авыруларны кисәтү буенча киңәшмә уздырды.
Татарстан Министрлар Кабинетының Баш ветеринария идарәсе башлыгы Алмаз Хисаметдинов Россиянең барлык төбәкләре белән тыгыз икътисадый багланышлары булуын билгеләп үтте.
Терлекләр һәм терлекчелек продукциясе күләме шактый җитештерелә. Узган ел республикада 50 мең башка якын мөгезле эре терлек исәпләнгән, шуларның 12 мең ярымы — чит илдән китерелгән . Йогышлы авырулар буенча узган ел безнең төбәк өчен уңышлы булуга карамастан, дуңгыз чумасы авыруы теркәлгән очраклар булды. Кош гриппына килгәндә, бу авыруга каршы ветеринарлар зур эш башкарды. Шул ук вакытта дөньяда грипп буенча вәзгыять бик киеренке. 2022 елда 70 дәүләт территориясендә 8 меңгә якын грипп учагы теркәлгән.
Рөстәм Миңнеханов ассызыклаганча, хайваннарның куркыныч авыруларын дәвалау мәсьәләләре беренче урында булырга тиеш.Бүген Татарстан фермерларының запаста кулланылмаган 6 миллиард сумлык бөртеге бар. Бу хакта фермерлар ассоциациясе башлыгы Камияр Байтемиров съездда белдерде. Игенчеләр сараена бөтен республикадан Фермерлар һәм Крестьян Фермер хуҗалары җыелды, узган елга йомгак ясау, алар алдында торган проблемаларны һәм киләсе ел турында фикер алышу планнарын әйттеләр.
Фермерлык хәрәкәте бер ел өчен дә мөгезле эре терлек санын һәм сөт саву күләмен арттырды . Болар барысы да хуҗалыкларга субсидияләр һәм тармак программалары аша ярдәм итү нәтиҗәсе. Татарстан Республикасы Авыл хуҗалыгы һәм азык-төлек министрлыгы башлыгы Марат Җаббаров җыелышта онлайн форматта катнашты һәм фермерлык эшенә уңай нәтиҗә ясады.
Камияр Байтемиров фикеренчә, яшь буын авылдан китеп бара, көннән-көн эшчеләр саны кимиТагын бер җитди проблема – фермерларның 6 миллиард сумнан артык ашлыклары сатылмаган.
Фильмны караганнан соң, фермерлар җитештерү мәсьәләләре турында фикер алыштылар һәм тәҗрибә уртаклаштылар. Татарстан коллегаларын Россия крестьян фермер хуҗалыклары ассоциациясе президенты Владимир Плотников югары бәяләде.
