Районда төзү һәм төзекләндерү эшләре дәвам итә. Шәһәр тибындагы Апас посёлогында су үткәрү, яңа ут линияләре сузу, урам баганалары урнаштыру, яктырткычлар кую эшләре бара. Апасның Кыр урамының утлары да яңартылды. Апастан безнең репортаж.
Бу көннәрдә Апасның Кыр урамы зур сөенеч кичерә. Кыр урамында яшәүчеләр урам утларын яңарту соравы белән халык җыенында район җитәкчелегенә мөрәҗәгать иткән. Шәһәр тибындагы Апас поселогы башкарма комитеты җитәкчесе Луиза Сафина белдерүенчә, район җитәкчелеге халыкның мөрәҗәгатен игътибар үзәгендә тотып, уңай хәл итә. Нәтиҗәдә, урам яктылыкка күмелгән.
Әлеге урамда яшәүчеләр сөенечләре белән бүлешә. Урамыбыз Мәскәү урамы кебек яп-якты булды дип елмая алар.
Гөлнара Сөнгатуллина, Гадил Галиев, Ләлә зәйнуллина. Татарстан яңалыклары, Апас районы.
