Республикабызда тирә-юнь мөхитебезне уңайлы булдыру максатыннан төрле программалар эшләп килә. Алар арасында Безнең ишегалды, Имин сыйфатлы юллар илкүләм проекты аеруча игтибарга лаек. Әйтик, Апас районында да биредә яшәүче халык өчен барлык уңайлыкларны булдырырга тырышылар. Биредә асфальт җәю эшләре бара. Алар республика ярдәме белән башкарыла.
Шәһәр тибындагы Апас посёлогының Муса Җәлил урамы. Биредә яшәүчеләр инде күптән кетелгән вакыйганың шаһитлары. Алар утамы буйлап шоп-шома сыйфатлы асфальт юл җәелә. Хезмәтне “Татавтодор” оешмасы алып бара. Венера Сәлимова Муса Җәлил урамында 15 елдан бирле яши. Яңа юлга сөенеп туя алмый.
Район башкарма комитеты җитәкчесе урынбасары Айрат Хәсәнов белдергәнчә, юлларны яңарту өчен дәүләт тарафыннан барлыгы 50 миллион сум акча бирелгән. Инде менә ике урам асфальт юллы да булды.
