Республика хуҗалыкларында бүген-иртәгә язгы чәчүгә керешәчәкләр. Кайбер районнарда ул инде башланды. Әйтик, Актаныш районы игенчеләре чәчүгә яхшы әзерлектә килде. “Әнәк” агрофирмасыннан безнең репортаж.
16 мең гектар җир биләгән “Әнәк” агрофирмасы чәчүгә әзер. Туфракта дым саклау өчен “Айман” бүлекчәсендә тырмалау тулы куәткә бара. Күпьеллык үләннәрне ашлама белән тукландыру тәмамланган, хәзер уҗымнарга минераль сый кертелә. Фәрхәт Хәбибуллин “Әнәк” агрофирмасына Мөслим районыннан эшкә килгән.
Марат Хәйретдинов 2007 нче елда “Әнәк” агрофирмасы оешкан көннән алып эшли. 2009 нчы елда яңа «Джон дир» тракторын ышанып тапшырганнар, ел саен “Кыр батыры” исеменә лаек була.
Быел “Әнәк” агрофирмасы баш белгечләр белән тулыланган. Озак еллар “Айман” бүлекчәсен җитәкләгән Айзат Фазуллин агрофирманың баш агрономы вазыйфасын башкара, аның урынын Газинур Латыйпов алыштырган.
Тагын бер яшь җитәкче, баш инженер Айнур Мәрдәнов та сынау алдында. Агрофирманың техника паркында көздән үк барлык техниканы төзекләндерүгә керешкәннәр, район комиссиясе машина-тракторларның язгы чәчүгә әзерлеген уңай бәяләгән.
