Авылда хуҗалык итүнең кече формалары турында Хөкүмәт Йортында узган киңәшмәдә вице-премьер – республика авыл хуҗалыгы һәм азык-төлек министры Марат Җаббаров сөйләде. Киңәшмәне видеоконференция режимында Рөстәм Миңнеханов үткәрде.
2022 елда авыл хуҗалыгы продукциясе күләме 333 бөтен уннан 5 млрд.сум тәшкил итте, бу узган ел белән чагыштырганда 25 бөтен уннан 6% ка күбрәк.
Авыл хуҗалыгы оешмаларында продукция җитештерү 41,6% ка, фермер хуҗалыкларында – 35 бөтен уннан 3% ка, шәхси ярдәмче хуҗалыкларда — 3 бөтен уннан 9% ка арткан.
Продукциянең гомуми күләмендә авыл хуҗалыгы оешмалары өлеше – 57 бөтен уннан 3%, фермер хуҗалыклары – 10 бөтен уннан 5%, шәхси ярдәмче хуҗалыклар-32 бөтен уннан 2% тәшкил итә.
Марат Җаббаров ассызыклаганча, тулаем продукция җитештерү буенча республика илдә икенче урында тора. — Кече һәм шәхси ярдәмче хуҗалык алып баручы гражданнарга ярдәм итү өчен 2022 елда 2,8 млрд сум җибәрелгән. Әмма фермер хуҗалыкларының үсеш резервлары да бар әле-терлекләр саны беркүпме кимегән.
Мөгезле эре терлек саны 1378 башка кимегән, шуларның 170 сыерлар дип санала. Иң зур кимү — Балык Бистәсе, Спас, Азнакай, Актаныш, Әлки районнарында күзәтелә.
Биектау, Саба, Кукмара районнарында терлекләрнең саны грантлар аркасында күпкә арткан.
Гомумән алганда, фермерлар тарафыннан 2012 елдан башлап 2022 елларга кадәр 4 бөтен уннан 4 млрд сумлык 1556 грант алынган, шуларның 264 е, ягъни 17% ы эшчәнлеген туктаткан.
Татарстан Республикасы Авыл хуҗалыгы министрлыгы башлыгы ике атна дәвамында 2018 елан башлап 2021нче елларда грант алган һәм йөкләмәләре буенча срогы чыккан грант алучыларның эшенә анализ ясарга кушты.
Намуссыз фермерлар да бар. 2022 елда судта 67 бөтен уннан 9 млн сумлык 25 дәгъва каралды, шуларның 42 бөтен уннан 6 млн сумлык 12 дәгъвасы канәгатьләндерелде.
2023 елның 1 гыйнварына шәхси ярдәмче хуҗалыкларда сыерлар саны 511 башка арткан. Иң күп арту Нурлат, Әлки, Зәй, Алексеевск, Бөгелмә, Кукмара, Чүпрәле районнарында күзәтелде. Әлмәт, Чирмешән, Лениногорск, Спас, Мөслим районнарында терлекләрнең баш санын югалту очрагы теркәлгән
Авыл халкы кечкенә фермалар төзергә кирәклеген искәртеп узды.2015 елдан алып 2022 елга кадәр 2518 мини-ферма төзелгән
Татарстан Республикасы Авыл хуҗалыгы министрлыгы кече хуҗалыклар арасында алдынгылар рәтендә — Кукмара, Нурлат, Балтач, Алексеевск, Биектау районнарын ассызыклап үтте. Артта калучылар -Питрәч, Югары Ослан, Спас, Бөгелмә, Әлмәт районнары дип санала.
