Проектка районның Адав-Толымбай, Ивашевка авылындагы утарлар кертелде. Параллель рәвештә “Буа Талиясе» традицион театр лабораториясе үз эшен башлап җибәрде. Чараның ачылу тантанасын киләсе материалда карагыз.
«Утарның мәдәни киңлеге: ишегалдыннан салонга кадәр» дигән халыкара мәдәни-күңел ачу үзәге ачу кысаларында “Буа Талиясе” театр лабораториясе старт алды. Чараның программасы ике театраль эскиз карау белән башланып китте.
Алдагы көндә Тимур Галиев тарафыннан куелган “Столыпин” театраль эскизын күрсәтү планлаштырыла. Тагын берничә эскиз чакырылган экспертлар тарафыннан бәяләнәчәк.
Чакырылган кунаклар арасында төрле төбәкләрдән килгән театраль экспертлар, республика театрлары директорлары да бар. Алар бирегә яңалыклар эзләп, тәҗрибә туплау өчен килә.
Халыкара мәдәни-күңел ачу үзәге ачылу һәм театраль лаборатория 29нчы август көнне Әхмәр хәзрәт Юныс каберенә изге сукмак ачу белән тәмамланачак.
Алсу Сәмигуллина, Ильнур Кадыйров. Татарстан яңалыклары
