Габдулла Тукай әдәби музеенда даими рәвештә төрле–әдәби-музыкаль кичәләр, әдәбият мәдәният әһелләре белән очрашулар, түгәрәк өстәлләр инде бер күркәм гадәткә әйләнде. Шундый чараларның берсе бу көннәрдә , Тукайның әдәби музеенда узды.
Тукайчы галимнәребез күп булган кебек, әлеге фәндә эшләүче олы галимнәребез дә байтак. Шуларның берсе татар әдәбияте галиме, Педагог, Әдәби тәнкыйтче Якуб Агишев. Быел галимнең тууыга 125 ел. Тукайның мирасын өйрәнүгә ул аеруча күп көч сала. 1940-1950 елларда галим Г. Тукай иҗатын текстологик аспектта өйрәнә: татар әдәбияте галиме Хәй Хисмәтуллн белән берлектә ике томлы “Г. Тукай. Академик басма”ның 1 томын һәм дүрт томлы “Әсәрләр”ен төзи. Ә инде 1946 елда Габдулла Тукай иҗаты буенча Мәскәүдә кандидатлык диссертациясен яклый.
“Тукайчы галимнәрнең фәнни мирасын өйрәнү” дип исемләнгән түгәрәк өстәлдә әдәбият галимнәре, язучылар, музей хезмәткәрләре катнашты. Мондый очрашулар тукайчы галимнәренең хезмәтләренә әйләнеп кайту, аларны барлап, калкытып чыгару. Тукайны өйрәнгән галимнәребезнең иҗаты белән таныштырулар даими рәвештә үткәрелер дип планлаштырыла.
Чулпан Әмири, Фәрид Җәләли.
