Шушы көннәрдә Кукмара районының Ядегәр авылында «Мәдәният» илкүләм проекты кысаларында,үзгәртеп корылган модельл е китапханә ачылды.
Яңа җиһазлар, заманчаҗайланмалар һәмкитаплар. Ядегәр авылында үзгәртеп корылган модельле китапханә ачылды. Ул Ядегәр, Тарлау, Түбән һәм Югары Шәмәрдән авыллары халкына хезмәт күрсәтә.
Яңа китапханә төрле жанрдагы китапларның зур коллекциясен генә түгел, ә заманча технологияләргә, цифрлы ресурсларга, компьютерларга һәм Интернетка керү мөмкинлеген дә тәкъдим итә. Монда шулай ук начар күрүче гражданнар өчен махсус җайланма да бар.
Яңа китапханә ачылу Камәрия Вафина өчен аеруча мөһим вакыйга. Чөнки ул авылда иң күп китап укучылар рәтендә.
Авыл халкы бу китапханәне җәмгыять тормышы һәм белем алмашу үзәге булыр, шулай ук яшь буын арасында уку һәм белем алу белән кызыксынуны үстерергә ярдәм итәр дип өметләнә.
Миләүшә Хаҗиева, Марат Сабирҗанов. Кукмара районы.
