Кукмара районының Әсән-Елга авылында илкүләм проект буенча яңа фельдшер-акушерлык пункты төзелеше тәмамлана.
Авыл халкы аның ачылышын түземсезлек белән көтә. Алар яңа медпунктны озак көткәннәр. Яңа ФАПта өч авылга ярдәм күрсәтеләчәк.
Бүгенге көндә Кукмара районының авыл җирлекләрендә 19 фельдшер-акушерлык пункты төзелгән. Моннан тыш, тагын шундый ике бина Ятмас — Дусай һәм Пычак авыл җирлекләрендә урнашыр дип көтелә.
Фельдшер-акушерлык пунктлары «Сәламәтлек саклауның беренчел звеносын модернизацияләү»милли проекты программасы буенча төзелә. СанПин буенча шулай ук янгын куркынычсызлыгы һәм аз хәрәкәтләнүче гражданнар төркемнәре өчен барлык уңайлыклар да каралган.
Әсән — Елга авылындагы фельдшер-акушерлык пункты район үзәгеннән 8 чакрым ераклыкта урнашкан. Фельдшер сүзләренә караганда, биредә барлык кирәкле җиһазлар һәм уңайлы эш өчен шартлар тудырылган, кан алу кабинетлары, шулай ук аз хәрәкәтләнүче кешеләр өчен җайлы мохит оештырылган.
Медпункт якындагы өч авылда яшәүче 612 кешегә медицина ярдәме күрсәтә.
Быел Татарстанда сәламәтлек саклау милли проектының беренчел сәламәтлек саклау звеносын модернизацияләү программасы буенча 26 фельдшер-акушерлык пункты төзелә. Исегезгә төшерәбез, Россия Президенты Владимир Путин әлеге программаны 2030 нче елга кадәр озайту турында карар кабул иткән иде.
Чулпан Әмири. Миләүшә Хаҗиева, Марат Сабирҗанов Кукмара Яңалыклары
