«Татмедиа»ның «Кәеф» лабораториясендә II Бөтендөнья милли блогерлар җыены узды. Журналист белән блогерның аермасы бармы? Кайсысының аудиториясе күбрәк? Әлеге һәм башка соруларның җавабын блогерлар форумында катнашкан хәбәрчебез Мөршидә Җиһан эзләде
Бөтендөнья күләмендә үткәрелгәч катнашучылар саны күбрәк булырга тиеш кебек. Әмма күрәсең максат санда түгел сыйфатта.
Шунысын да да искәртеп үтик Дневник татарина блогын алып баручы Рәмис Гыйләҗетдинов, Илнар Идрисов һәм Лесная блогын алып баручы Олесяны журналистлар белә, ләкин барысын да белеп бетерү мөмкин түгел. Блогерлар арасында да күренекле дип саналган журналистларны танымаучылар бар. Оештыручылар Татмедиа гаммәви чараларында эшләүче фикеренчә әлеге җыен очраштыру , таныштыру җәһәттән дә файдалы булып чыга. Өстәвенә, “Татмедиа”да журналист булып эшләгән кешегә блогерлык алымнарын куллану, блогер булу бурычын куйдык дип белдерде «Татмедиа» акционерлык җәмгыятенең генераль директоры Шамил Садыйков.
Блогерлыктан журналистика килүчелр күп түгел, әмма журналист булып эшләгәннән соң социаль четәрләргә күчүчеләр бар. Чулпан Нәбиуллина –Гарипова блогерлыкка күчүен менә ничек аңлатты.
Аралашу барышында алып баручы Ләйсән -Фәтхи аудиториягә блогер белән журналист арасына тигезлек билгесе куеп буламы дип мөрәҗәгать иткән иде. Рафилә Шәмсетдинова фикеренчә юк. Рафилә дә журналист эшеннән киткәч үз блогын булдырган. Язылучылары 76 мең.
Тәҗрибәле журналист Рузилә Мөхәммәтова да үзенә генә хас чагыштырулар белән журналист белән блогерның бер баскычта түгеллеген раслады, ләкин социаль челтәрчеләрнең журналистларга караганда аудиторияләре күбрәк булуын танып сәбәбен дә аңлатты.
Түгәрәк өстәл барышын фотосурәткә төшереп йөргән Рамил Гали шәп блогер булу өчен видео сыйфаты әйбәт, ә сурәтләр композөион яктан төзек булырга тиеш дип саный.
Блогерлыкка этәрүче тагын бер амплуа — ул туй алып баручысы булу, ягъни тамадалык. Һәрхәлдә Рафис Атаказ үз мисалында раслый.
Үз брендын булдырган дизайнер Альбина Фазлыеваның социаль челтәрләрдәге гомуми аудиториясе 100 меңнән артып киткән.
Альбина милли традицияләр үрнәген үз ватанында яшәп тәкъдим итсә, Миләүшә Вайсбах милли мохитны Алмания аша җиткерә.
Түгәрәк өстәл рәвешендә барган очрашуга, гомумән милли блогерлар җыенына махсус Социаль челтәрдәге сәхифәләрен татар телендә алып баручы блогерлар гына чакырылган. Җыен Кәрим Тинчурин театрына мәдәни экскурсия белән тәмамланды.
Мөршидә Җиһан, Ленар Хәбибуллин Татарстан яңалыклары.
