Әлеге автобус республика юллары аша үтә һәм балаларны юл йөрү кагыйдәләренә өйрәтә. Биредә балалар өчен нинди биремнәр һәм этаплар әзерләнгән? Бу хакта киләсе язмада.
Кукмарада бу ел башыннан балалар катнашында ике юл-транспорт һәлакәте булган. Аларның берсендә 16 яшькә кадәрге, ә икенчесендә 18 яшькә кадәрге бала зыян күргән. Районда юл-транспорт һәлакәтен булдырмау максатыннан күп чаралар үткәрелә.
Быел “Нараткай” лагерена ял итәргә Татарстанның күп кенә районнарыннан балалар килгән . Алар өчен монда файдалы һәм шул ук вакытта кызыклы программа әзерләнгән. «Иминлек лабораториясе» кызгылт-сары төстәге автобусы да аларга кунакка килде.
«Иминлек лабораториясе» 3 ел элек бөтен Татарстан буйлап сәяхәт итә башлады. Бу вакыт эчендә чарада 20 меңнән артык бала катнашкан. Алар өчен берничә нокта әзерлиләр: бу юл хәрәкәте кагыйдәсе темасына башваткычлар, «Киләчәк шәһәре» иҗади өлеш, велосипедта һәм самокатта фигуралы йөрү.
Чараны оештыручыларга Манзарас урта мәктәбенең яшь юл хәрәкәте инспекторлары да ярдәмгә килде. Аларның берсе Данил Ильин. Ул инде 3 ел яшь юл хәрәкәте инспекторы булып тора
Мин инде нинди юл хәрәкәте кагыйдәләрен үтәргә кирәклеген аңлый башладым. Үзем белгәннәрне башкаларга да сөйләргә тырышам. Гаиләм беләм бүлешәм, шулай ук дусларыма да сөйлим.
“Иминлек лабораториясе” автобусы өчен киләсе тукталышлар Биектау, Яшел Үзән һәм Апас районнары булачак.
Миләүшә Хаҗиева, Марат Сабирҗанов, Татарстан яңалыклары Кукмара районы.
