Татарстан Рәисе Рөстәм Миңнеханов һәм Волгоград өлкәсе губернаторы Андрей Бочаров телефоннан сөйләште.
Татарстан Рәисе матбугат хезмәте җитәкчесе Лилия Галимова хәбәр иткәнчә, Миңнеханов кушуы буенча Татарстан Хөкүмәте Волгоград өлкәсендәге хезмәттәшләре белән актив хезмәттәшлек итә, шул исәптән Казан – Адлер поезды рельсларыннан чыгу нәтиҗәсендә зыян күргән республика кешеләре саны турында тулы мәгълүматны ачыклый.
Өлкә губернаторы хәбәр иткән соңгы мәгълүматларга караганда, поездда 813 кеше булган, алар арасында балалар да бар. Урында оператив штаб төзелгән. Республика хакимияте барлык ведомстволар белән актив хезмәттәшлек итә, дип ачыклык кертте матбугат сәркатибе.
Миңнеханов мәгълүматны оператив рәвештә ала һәм мәсьәләне шәхси контролендә тота, дип тә өстәде Галимова.
